ஒத்திசைவு…

| … | γνῶθι σ0εαυτὸν | बूद्धूराम् | … | If you don't read the newspaper you are uninformed, if you do read the newspaper you are misinformed" ~~ Mark Twain | especially with 'The Hindu' – India's notional noosefaffer! |

ஸ்டாலின் சந்தன பாக்கியம் (அ) புகழ் மாலை – பாகம் 2

leave a comment »

… ‘அல்லது ‘சந்தனக் கொள்ளை ஸ்டாலின்’ என்று தலைப்புக் கொடுத்திருக்க வேண்டும், இவ்விடுகைக்கு…

இவ்விடுகையைப் புரிந்து கொள்ள வேண்டுமென்றால், நீங்கள்  இதனைப் படித்திருக்க வேண்டும்:   ஜோசப் (முத்துவேல்) விஸ்ஸாரியநோவிச் (கருணாநிதி) ஸ்டாலின் (சுடாலின்) புகழ்மாலை – – பாகம் 1

திருப்பத்தூர் சந்தனமரக் கிடங்கு எரிப்பு சம்பவம் என்கிற தீவட்டிக் கொள்ளையர்கள் மகாத்மியம்

வட ஆற்காடு மாவட்டத்தில் உள்ள ஜவ்வாது மற்றும் புதூர்நாடு மலைகள்,  சுமார் 65 கிலோமீட்டர் நீளமும் 25 கிமீ அகலமும் உள்ள பிரதேசத்தில் உள்ளவை. திருப்பத்தூர், வாணியம்பாடி, செங்கம், போளூர், வேலூர் தாலுக்காக்களில் உள்ளடங்கியவை. கடலுயரத்தில் இருந்து சராசரியாக சுமார் 2300 அடி உயரத்தில் உள்ள இப்பிரதேசம் சுமார் 2500 சதுர கிமீ பரப்பளவு கொண்டது. பொதுவாக மலையாளிகள் என சொல்லப்படும் மலைவாசி மக்கள் இங்கு வாழ்கிறார்கள். அவர்களை ‘முன்னேற்ற’ வேண்டுமல்லவா? நமது அரசாங்கமும், மிஷனரிகளும் அவரவர் கொள்கைகளைப் பரப்பிக் கொண்டிருக்கின்றனர் இங்கு – முறையே, குடிப்பழக்கத்தையும், ப்ரோடெஸ்டன்ட் கிறிஸ்தவத்தையும்.

இம்மலைகளில் சுமார் 225,000 ஹெக்டேர் பரப்பளவில் (சுமார் 450 ,000 ஏக்கர்) வனத்துறையின்  பாதுகாப்பில் உள்ள ‘ரிசெர்வ்’ காடுகளாகும். ஆனால் இவை அடர்ந்த, பசுமை போர்த்திய காடுகள் அல்ல. இருப்பினும் இவை மிக அழகானவை. இக்காடுகளின் மண் தரமும், மழை அளவும், ஈரப் பதமும், தட்பவெப்ப நிலைகளும் ஒரு தனிவிதமான சுற்றுச்சூழலை உருவாக்கி இருக்கின்றன. இச்சூழலில் குறிப்பிட்ட சிலவகை மூலிகைகளும், மரங்களும் வளர்கின்றன.

ஜவ்வாது மலை மற்றும் அதனை சுற்றியுள்ள மலைத்தொடர்கள், தரமான சந்தனமரங்கள்  அற்புதமாக வளரும் இடங்கள். இம்மரங்களில் உள்ள சேகு என்று நாம் அழைக்கும் sap (மரச் சாறு) உலர்ந்தபின் ஒரு நுணுக்கமான மணத்தை இம்மரங்களின் ஹார்ட்வுட் (heartwood) எனப்படும் நடுப்பகுதிக்குக் கொடுக்கிறது, இதன் காரணமாக ஜவ்வாது மலையில் வளர்ந்த சந்தனமரங்களுக்கு உலகளாவிய (விலை)மதிப்பும், மரியாதையும் உண்டு.

எப்படிப்பட்ட மரியாதை என்றால், 100 கிராம் மரம் (branchwood), சுமார் 1100 ரூபாய். ஹார்ட்வுட், சுமார் 80 லட்சம் ரூபாய், ஒரு டன்னுக்கு! இது அரசு ஏலத்தில் கிடைத்தால். ஆனால், எல்லா ஏலங்களிலும் (குறிப்பாக நம் தங்கத் தமிழ் நாட்டில்) அரசியல் உதிர்களின் சார்புள்ள குழுமங்களுண்டு (cartels) –  இவர்கள் நிர்ணயிக்கும் விலை தான் ஓடும். ஆகவே மொத்த விற்பனை விலை இச்சந்தனத்துக்கு சுமார் ஒரு டன்னுக்கு ரூபாய் 1 கோடிக்கும் அதிகம்! ஆனால் நல்லவேளை, பெரும்பாலும் நேர்மையான அதிகாரிகள் இருப்பதால், அரசாங்கத்துக்கு மிகப்பெரிய நஷ்டங்கள் ஏற்படுவதில்லை…

ஆனால் (=ஆகவே), பெரும் பணம் புரளும் இத்தொழிலில், திருட்டுத்தனமாக மரம் வெட்டல், கடத்துதல், பொறுக்கி அரசியல்வாதிகளின் மிகமிக நீளக்கைகள்,  மிகப்பெரிய அளவு கையூட்டுகள், ஊழல்கள், கொலைகள் எல்லாம் உண்டு.

வன அதிகாரிகளுக்கு சரியான சம்பளமோ, மரியாதையோ, தளவாடங்களோ – பொதுவாகக் கொடுக்கப் படுவதில்லை. உதாரணமாக கொள்ளையர்கள் யந்திரத் துப்பாக்கி  வைத்திருந்தால், அதிகாரிகள் பழைய ‘முதல் சுதந்திரப்போர்’ காலத்து ரைபிள்கள் வைத்திருப்பர்! இவர்களின் வேளையில் இருக்கும் கஷ்டங்களை எவரும் உணர்வதில்லை. பாவம் –

ஆனாலும், வன அதிகாரிகளும், எவ்வளவு தான் அட்டூழியங்களைப் பார்த்துக் கொண்டிருக்க முடியும்? அல்லது கயமைநிதி சொன்னது போல ‘அடக்கமாக’ இருக்க முடியும்? ஆகவே, அவ்வப்போது, கொள்ளையர்களைப் பிடிப்பதும், துப்பாக்கிச் சண்டைகளும், பறிமுதல்களும்  எல்லாம் நடக்கும் – ஒரு சில நேர்மையான அதிகாரிகளால். பறிமுதல் செய்யப்பட்ட மரங்கள் வன இலாக்காவின் கிடங்குகளுக்குச் செல்லும். மேலும் அறிவியல் பூர்வமாக, அரசாணை பெற்று வெட்டப்படும் / அறுவடை செய்யப்படும் மரங்களும் இக்கிடங்குகளில் சேமிக்கப் படும். ஏல முறையில், வருடத்திற்கு ஒருமுறை இவை விற்கப் படும்.

இப்படியாக திருப்பத்தூர் கிடங்கு (சுமார் இரண்டரை ஏக்கர் பரப்பளவு), திருப்பத்தூர் வன சரகத்தால் பாதுகாக்கப் படுகிறது. இக்கிடங்கின் கொள்ளளவு சுமார் 600 டன் சந்தன மரங்களும், ரெட்சேன்டர்  மரங்களும். இது ஆசியாவிலேயே மிகப்பெரிய சந்தனமரக் கிடங்கு கூட!

1997ஆம்  வருடம். மார்ச் 13ஆம் தேதி இரவு. திடீரென்று ஒரு மாபெரும் தீ ‘விபத்தில்’ முழு கிடங்கும் எரிந்து சாம்பலாகியது. வன அதிகாரிகள் (DFO) கொடுத்த தகவலின் பேரில், காவல் துறை ஒரு கிரிமினல் வழக்கைப் பதிவு செய்தது…

எவ்வளவு சந்தனமரங்கள், என்ன மதிப்பு என்று யாருக்கும் சரியாகத் தெரியவில்லை. ஏனெனில் அனைத்து ஆவணங்களும் இத்தீயில் எரிந்து போயின. ஏறக்குறைய 100 கோடி ரூபாய் மதிப்புள்ள இருப்புகள் இதில் நஷ்டப்பட்டதாக தமிழக அரசு சொல்லியது.

எந்த அரசு? தமாகா + ஜெயலலிதா எதிர்ப்பு வோட்டுக்களால் ஆட்சிக்கு 1996ல்  வந்த கருணாநிதி அரசு. ‘தளபதி’  ஸ்டாலின் இடம் பெற்ற அரசு.

அரசல் புரசலாக, குழப்பமான செய்திகள் வந்து கொண்டிருந்தன. ஜெயலலிதாவும் இதை பெரிய அளவில் சாடிப் போராடிக் கொண்டிருந்தார்.

ஆகவே கருணாநிதி, தன்னுடைய நம்பிக்கைக்கு உரியவரான நீதிபதி எ ராமன், என்பவற்றின் தலைமையில் ஒரு விசாரணைக் கமிஷன் வைத்தார். கயமைநிதி எதிர்பார்த்தது போலவே இந்த கமிஷன், நடந்த விவகாரம் ஒரு தீ விபத்தே என்று கூறி, அப்பகுதி திமுக MLA வுக்கும் இந்த விபத்துக்கும் ஒரு சம்பந்தமுமில்லை என்றும் பகர்ந்தது. இந்த நீதிபதி பரிந்துரைத்தபடி இன்னமும் விசாரிக்கும்படிக்கு இந்த விஷயம், மாநிலத்தின் CB -CIDக்கு  மாற்றப் பட்டது. பிறகு அவர்களால் ஊற்றி மூடப் பட்டது.

ஆனால் நடந்தது என்ன?

அக்கிடங்கில் சுமார் 500 டன் அளவிற்கு சந்தனம் இருந்திருக்கிறது. இதன் மதிப்பு பற்றி அந்த ஊர் MLA வுக்குத் தெரியும். ஸ்டாலின்
உபாசகரும் பினாமியுமான இவருக்கு அதன் மேல் ஒரு கண்.

நமக்குத்தான் தெரியுமே,  நம்முடைய இசுடாலின் அவர்களின் தொழில்நுட்ப மேதமைப் பற்றி. இதில் சம்பந்தப் பட்ட பணம் சுமார் ரூபாய் 450 கோடி வேறு! கை துறுதுறுக்க ஸ்டாலினும் அவர் சகாக்களும் உடனடியாக ஒரு கயமைத் திட்டத்தில் இறங்கினர். சில வன அலுவலர்களையும் மிரட்டி, கொலை செய்து விடுவோம் என்று பயமுறுத்தி – தங்களுடன் ஒத்துழைக்கும்படி செய்தனர். சந்தனமர போக்குவரத்துக்கான போக்குவரத்துப் பதிவேட்டையும் (movement register), இருப்புப் பதிவேட்டையும (stock register)  எடுத்துக் கொண்டனர். புகுந்து விளையாடினர்.

ஒரு இரவோடுஇரவாக மிகுந்த திருட்டுத்தனத்துடன், லாரிகளில் சொத்தை மரங்களை ஏற்றிக்கொண்டு கிடங்கில் கொண்டு போட்டுவிட்டு, அங்கிருந்து சந்தனத்தை அள்ளிச் சென்றனர். இப்படி 500 டன்களையும் அபேஸ் செய்தபின், அக்கிடங்கை தீயிட்டுக் கொளுத்தினர்.

1997 ஆம்  ஆண்டில் இவ்வளவு ரூபாய் (450 கோடி!!) கொள்ளையடிக்கப் பட்டது! ஒரு புண்ணாக்கு  உழைப்பும் இல்லாமல், மிகுந்த கயமையுடன்.

இதனுடன் ஸ்டாலின் லீலைகள் முடிவு பெறவில்லை. விசாரணைக் கமிஷன் சாம்பலையும் ஆய்வு செய்யும் என்ற காரணத்தால், சாம்பல் மாதிரிகளையும் மாற்றினர். ஆக சாதாரண மரசாம்பல், சந்தனமர சாம்பலாக வலம் வந்தது.

நண்பர்களே, கொஞ்சம்  யோசியுங்கள்!

சந்தனக்கட்டை வீரப்பன், தன் வாழ்நாளில் இவ்வளவு கொள்ளை அடித்திருக்க மாட்டான் – மொத்தமே  50 கோடி ரூபாய் அடித்திருந்தால் அதிகம். கொலைகளும் செய்திருக்கிறான். ஆனால் தண்டனையை அனுபவித்தான்.

ராஜீவ் காந்தியின் போபோர்ஸ் ஊழல் கேவலம் ரூபாய் 54 கோடிதான்! அதுவும், அப்பணத்தில் பெரிய பாகம் அவர் கட்சிக்குப் போய் சேர்ந்தது. இந்த ஊழலால் அவர் ஆட்சியை இழந்தார். பின் உயிரையும் இழந்தார், பாவம்.

ஆனால் பாருங்கள் – நம் தளபதி ஸ்டாலின் அவர்களை. எவ்வளவு மிடுக்காக உலா வருகிறார்! பார்த்தால் சொல்ல முடியுமா – அவர் பல்லாயிரக் கணக்கான கோடிகளில், ஊழல் பணத்தில் புரளுபவர் என்று? இந்தக் கேடுகட்ட எண்ணங்களையும் செயல்களையும் சுமந்துகொண்டு வெள்ளைஉடை அரிதாரம் தரித்து ‘குறிஞ்சிமலரில்’ அரவிந்தனாக வேறு உலா வந்தாயிற்று! 

மேலும் புன்சிரிப்புடன் ‘உதவி முதல்வராக’ வேறு ஊருக்கு உபதேசம்…

ஸ்டாலின் மேற்கண்டவர்களுக்கு மேல் கொள்ளை அடித்திருக்கிறார். (இவரை விடவும் ஊழலின் உன்னத நிலைக்கு வந்தது கனிமொழியாகத்தான் இருக்கும்). மேலும் ஸ்டாலின், பல பேர் விசனத்திற்கும், மரணத்திற்கும், தற்கொலைகளுக்கும் காரணகர்த்தாவாக இருந்திருக்கிறார் – ஜூலை 2001 சமயம் ‘அண்ணா நகர்’ ரமேஷ் (இவர் பல ஸ்டாலின் பினாமிகளில் ஒருவர்) ஸ்டாலினுக்கு எதிரான ஊழல் வழக்குகளில் அப்ரூவர் ஆக முயற்சி செய்துகொண்டிருக்கும்போது, மர்மமான முறையில் குடும்பத்துடன் தற்கொலை செய்து கொண்டது நினைவில் இருக்கிறதா?  அண்மையில் ராசாவின் ‘பினாமி பாட்சா எப்படி மர்மமான முறையில் தற்கொலை செய்து கொண்டார் என்று தோன்றுகிறதா?

இந்த கேடுகெட்ட அரசியல்வாதிகளை ஒழிப்பது எப்போது??

குறிப்பு 1:

ஸ்டாலின் கொள்ளைக்காக லாரி ஓட்டியவர்களில் ஒருவரை எனக்குத் தெரியும். இவருக்கு வண்டி ஒட்டியதற்கு கூலி கூட ஒழுங்காகக் கொடுக்கவில்லை. மிரட்டித் துரத்தி விட்டார்கள். இத்தனைக்கும் அவர் ஒரு திமுக அனுதாபி, கார்ட் கூட வைத்திருந்தார்  – கருணாநிதியை கலைன்ஜர் என்று குறிப்பிடுவார்; இவர் கோபம் கொண்டு ‘உண்மை விளம்ப’ ஆரம்பிக்கும்போது, இவர் பேரில் பொய்வழக்கு போட்டு சித்திரவதை செய்தனர். அவருடைய ஜமாத்திடமிருந்தும் அவருக்கு ஒரு ஆதரவுமில்லை. (பாவம், அவர்களைச் சொல்லிக் குற்றம் இல்லை, எல்லாருக்கும் பயம் தானே, பொறுக்கிகளிடம்; ஆனால் இந்த திமுக கழிசடைகள் தான் ‘சிறுபான்மையினரின் பாதுகாவலர்களாக வலம் வருகின்றனர்! என்ன கொடுமை!) இவர் பின், வெறுத்து திமுகவிலிருந்து விலகி தற்போது நன்றாக மாங்கனி வியாபாரம் செய்து வருகிறார் – மன்னிக்கவும், இவர் ராமதாஸ் கட்சியில் இல்லை. 

மேலும், உதிரி திமுகவினர் போலல்லாமல், இவருக்குத் தமிழில் உண்மையான ஈடுபாடும், பாண்டித்யமும் உண்டு – இவர் மற்றும் சில IAS அதிகாரி  நண்பர்களின் இன்னமும் வேலை செய்து கொண்டிருக்கும் மனச்சாட்சிகள் மூலம் தான்  எனக்கு மேற்கண்ட விவரங்கள் கிடைத்தன.

குறிப்பு 2:

இந்த சந்தனக்கிடங்கு தீ விபத்து பற்றி சில செய்திகளைக், கீழ்க்கண்ட சுட்டியில் காணலாம். இது ஒரு வழக்கு விவகாரம் பற்றியது – இந்த ஊழலுடன் தொடர்புடையது.

M.G.Singaravelu vs The State on 25 November, 2003 – http://www.indiankanoon.org/doc/946249

குறிப்பு 3:

‘அண்ணா நகர்’ ரமேஷ் பற்றி ஒரு பழைய செய்தி.

I’am innocent, Ramesh tells police – http://www.hinduonnet.com/2001/07/19/stories/04192234.htm

….

மறக்காதீர்கள் நண்பர்களேஇத்தேர்தலில் நாம் அழித்தொழிக்கப் போவது எதனை?


Written by வெ. ராமசாமி

07/04/2011 at 23:04

Posted in DMK, politics

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s