புறம்_பாலிடிக்ஸ் டேட்டா_ஸையின்டிஸ்ட் பையரின் தொடர்ந்த, முடிவேயில்லாத உளறல்கள்…

23/04/2016

முன்னமேயே ஒருதடவை இந்த டேட்டா ஸையின்டிஸ்ட் ப்ரக்ருதியின் ‘எல்லாம் தெரிந்த ஏகாம்பர’ உளறல்களைப் பற்றி எழுதியிருந்தேன். பின்னர் சே என்று விட்டுவிட்டேன்.

வரிக்கு வரி தவறாக, ஆனால் மாளா தன்னம்பிக்கையுடன், ஒரு வரலாற்றுத் துணுக்குக் கட்டுரையை எழுதி மினுக்குவது எப்படி? 22/04/2015

ஆனால், அண்மையில் என்னுடைய பழைய மாணவன் ஒருவன் (இவனுக்குப் புறமாருடன் ஆகாதோ என்ன எழவோ!) ஒரு ட்வீட் குப்பையை அனுப்பியிருந்தான். நான் முதலில் இதனை ஒரு நகைச்சுவையாகவே எடுத்துக்கொண்டேன் – ஆகவே என் இடக்கையால் புறம் தள்ளினேன் – ஆனால் என் மாணவன் ‘அது அப்படியல்ல, உண்மையாகவே படுஸீரியஸாகத்தான் அப்பையர் அப்படிப் பகர்ந்திருக்கிறார்!’ என்று சொன்னவுடன், அதை மறுபடியும் படித்தால்… :-(

-0-0-0-0-0-0-

கீழ்கண்ட ட்வீட்டினை வெளியிட எது காரணமாக இருந்திருக்கக்கூடும் என்பது முதலில் பிடிபடவில்லை. ஆனால் கொஞ்ச நேரத்தில் இது பிடிபட்டது: காரணம் – அது வெறும் முட்டாள்தனத்தால் விளைந்தது மட்டுமே!Yes. One of my basic rules while approaching such acts of sheer stupidity is: Never ascribe to malice, that which can be sufficiently explained by stupidity.

அதனால்தான் சொல்கிறேன் – இந்தப் பையர் அறியாமையால் மட்டுமேதான் உளறிக் கொட்டியிருக்கிறார் – இருந்தாலும், இப்பையர் தன்னை  ‘இரண்டாம் யுவகிருஷ்ணா‘வாக நினைத்துக்கொள்ளக்கூடாதல்லவா? ‘வினவு’ தரத்துக்கு உயர்த்திக்கொள்ளக்கூடாதல்லவா? அதனால்தான் இப்பதிவு.

-0-0-0-0-0-0-

*ப்ச்* இந்தப் பையர் ஏன் தொடர்ந்து உளறிக்கொண்டே இருக்கிறார்?  இப்படி ஒரு இளைஞன் கண்டமேனிக்கும் உளறுவதை  ஓடிப்போய்  அரைகுறைகள் ஏன் அதனை மேலதிகமாக ரீட்வீட் செய்கிறார்கள்?  பின்னவர்கள் ஒருவேளை, புறம்_பாலிடிக்ஸ்காரரைக் கமுக்கமாகக் கிண்டல் செய்கிறார்களோ?

ஆமாங்க. அவ்ங்க ஹிண்டு இல்லீங்க; ரெண்டும் டைம்ஸ் ஆஃப் இந்தியா! இல்லாகாட்டீ இந்தியன் எக்ஸ்ப்ரெஸ்! அவ்ளோதான், சர்யா?

இன்னொன்று: 13 ஏப்ரல், பொதுவாகவே பைஸாகி பண்டிகை தினம்; இந்த நாளுக்கும் அசோக அக்பர்களுக்கும் ஹிந்துக்களுக்கும் என்ன தொடர்பு என்று எனக்குப் புரியவில்லை – யாருக்காவது தெரிந்தால் சொல்லவும். புறம்_ப்ருஹஸ்பதியாரின் மூளை எப்படி வேலை செய்கிறது என்பதை நான் அறியேன்! (இந்த ட்வீட் எழவை பரிந்துரைத்த பையனுக்கும் இதுபற்றி ஒன்றும் தெரியவில்லை; இப்போது எனக்குத் தோன்றுகிறது – இது அந்தப் பாவப்பட்ட அம்பேட்கருடன், அவரது பிறந்த நாளுடன் – 14 ஏப்ரெல் – தொடர்புடையதாக இருக்கலாமோ?)

-0-0-0-0-0-0-

சரி. பாரதத்தின் நெடிய வரலாற்றில், புகழப்படவேண்டிய பல பெரிய, பெரும்பாலும் போற்றத்தக்க அரசர்கள் இருந்திருக்கிறார்கள்தான் – ஸுக்ருங்க்ஃபா,  ரஞ்சித்ஸிங், ஷிவாஜி, மணிகர்ணிகா, ப்ரதாப்ஸிங், ஷேர்ஷா ஸூரி, சமுத்திரகுப்தர், ஸுரேன்ஃபா, க்ருஷ்ணதேவராயர், சாலிவாஹனர்கள், நம்மூர் ராஜராஜ, ராஜேந்திர சோழர்கள், மகேந்திரவர்ம ராஜசிம்ம பல்லவர்கள், வீரவல்லாளன், புலிகேசி  எனப் பலப்பலர் – கொஞ்சம் உட்கார்ந்து யோசித்தால் இன்னமும் நிறைய பெயர்கள் நினைவுக்கு வரும். இவர்களில் சிலர் ஹிந்துக்களாக இருந்திருப்பதால், அவர்களை மன்னித்துவிடலாமா, புறம்பாலிடிக்ஸாரே?

ஆனால் புறமாருக்குத் தெரிந்ததெல்லாம் அசோகரும் அக்பரும்தான்!

அசோகன் தம் மக்களாலேயே எவ்வளவு வெறுக்கப்பட்டான் (கலிங்கப்போர் காரணமாக மட்டும் அல்ல) என்பதாவது தெரியுமா? அவன், தன் தந்தைக்குப் பின் அரசனாகவிருந்த தன் அண்ணனைக் (=ஸுஷிமன்) கொன்றுவிட்டுத்தான் ஆட்சியைப் பிடிக்கமுடிந்தது என்ற பின்புலமாவது தெரியுமா? மஹாவம்சம் எனும் வரலாற்று நூலை, புறம்பாலிடிக்ஸார் அய்யா படித்தால் அசோகன் தன்னுடைய சகோதரர்களில் ஐவரைக் கொன்ற விஷயங்களெல்லாம் தெரியவரலாமோ? ஆனால் 140 கேரக்டர் எழவுக்குள் தெளிவான வரலாறுகளைப் புகட்டமுடியாததால் உளறல் மட்டுமே சாஸ்வதமாகியிருக்கிறதோ?

…படிப்பறிவே சுத்தமாக இல்லை, அப்படியே இருந்தாலும் முன்னர் எழுதியதுபோலவே ஒரு பிபிஸி டாக்குமென்டரி படஎழவைப் பார்த்துவிட்டு, அல்லது ஷாருக் கான் திரைப்பட நாராசத்தைப் பார்த்துவிட்டு –  புல்லரிக்கப்பெற்று, உடனடியாக விக்கிபீடியா பார்த்து திடீரெக்ஸ் உண்மைகளை உணர்ந்து, முக்கால ஞானம் பெற்று  – உடனடியாக ஏகாம்பரத்தனமாகவும், மேட்டிமைத்தனத்துடனும் எழுத முடிகிறது…

ஆகவே, கருத்துச் சுதந்திரம் மட்டும் இருக்கிறது, உளறிக்கொட்டுவதற்கு…

There should NOT  be any freakin’ free-speech, it should be HEAVILY taxed henceforth. Especially on this stupid Twitter!

…இல்லாவிட்டால், நாட்டையே நாறடித்துவிடுவார்கள், இம்மாதிரி 140 எழுத்தச்ச அரைகுறைகள்!

–0-0-0-0-0-0–

அக்பர் என்பது அந்த அரசரின் பெயர் அல்ல. அவருடைய பெயர் ஜலாலுத்தின் அஹெமத். அக்பர் என்பது ஒரு பதவிவிளிப்பு/பட்டப்பெயர் மட்டுமே. அக்பர் என்றால் ‘பெருமை வாய்ந்த’ என்றுபொருள். அவர் தன்னைத்தானேயும் தன் ஆட்களைவைத்தும் அக்பர் எனத் தன்னை அழைத்துக்கொண்டால், அக்பர்நாமா எழுத வைத்துக்கொண்டால் அவர் க்ரேட் ஆகி விடுவாரா என்ன? அவர் செய்யாத படுகொலைகளா? தன் சொந்தக்கையால் செய்யாத ஜிஹாத் வகை காஃபிர் கழுத்தறுப்புகளா?

இவற்றுக்குப் பல எடுத்துக்காட்டுகளைக் கொடுக்கமுடியும் என்றாலும் – என் நினைவில் இருப்பவற்றில் ஒன்றை  மட்டும் இங்கு கொடுக்கிறேன்:  1958 1568 ஃபெப்ருவரியில் ராஜபுத்திரர்களுடன் நடந்த போரில் சித்தோர்கட் கோட்டை நகரை வென்றவுடன் அதில் இருந்த 25000க்கும் மேலான அப்பாவி (ஆயுதம் தரிக்காத) மக்களைக்  தலையைச் சீவிக் கொன்றதும், இதே அக்பர் தலைமையேற்று நடத்தியதுதானே?

ஒவ்வொரு போருக்குப் பின்னும் முன்னும் படுகேவலமாக, அக்பருடைய தலைமையில்  – அவருடைய படையினர் நம்மூர் புற நானூற்று ‘வீரர்கள்’ போல உழபுல-மழபுல வஞ்சிக் கணக்கில் அப்பாவி மக்களைக் கொன்று குவித்ததும் சூறையாடியதும் + மொகலாயப் படையினரின் பாலியல்பலாத்காரத்துக்குப் பயந்து தோற்ற நாட்டின் பெண்கள் தங்களை எரியூட்டிக்கொண்டதும் (=’ஜௌஹர்’)  நடக்கவில்லையா என்ன?

-0-0-0-0-0-

…பிற்காலத்தில் இவ்விருவரும் (ஒரளவு மட்டுமே!) மனம் திருந்திச் சிலபல போற்றத்தக்க காரியங்களைச் செய்தாலும், அவர்கள் கைகளில் படிந்தது தேவையேயற்ற, குரூரமான வன்முறைகளால், மனப் பிறழ்வுகளால் விளைந்த இரத்தக் கறையும்தான் என்பதையும் மறக்கமுடியாது.ஆனால் வெள்ளைக்காரன் காரியார்த்தமாக ஒன்றை க்ரேட் என்று சொல்லிவிட்டால் நமக்குத் தலைக்கேறிவிடுகிறது போதை… அவன் சொல்லிவிட்டானேயென்று முற்போக்குத்தனமாக நம் தொழில்முறை முற்போக்குகளும் புறம்போக்குகளும், எதைவேண்டுமானாலும் தலைமேல் வைத்துக்கொண்டு கூத்தாடுவார்கள் – கண்டதையும் பற்றிப் புளகாங்கிதமடைவார்கள்…  இதுதான் பிரச்சினை. ஒரு படிப்பறிவோ சுயசிந்தனையோ இல்லாமல் 140 கேரக்டர்களில் அமோகமாக உளறிக்கொட்டலாம்…

வரலாறுக்கும் உளறாறுக்கும் வித்தியாசம் தெரியாமல் இப்படியா பினாத்தவேண்டும்?

-0-0-0-0-0-0-

… இந்த அரைகுறை ட்வீட்டின் ஆங்கிலத்திலும் கூட நகைக்கத்தக்க விதத்தில் தவறு, தட்டச்சுப் பிழைகளைக் கூட விட்டுவிடலாம் – toவுக்கு yoஎன்று எழுதிவிட்டார்; ஆனால் –  Neither was Hindu என்றுதானே இருக்கவேண்டும்… ஆனால் Neither were Hindu எனப் புறமார் எழுதியிருக்கிறார்!

தேவையா?  (ஒருவேளை என்னைப்போலவே, இந்தப் பையரும் தமிழ் வழிக்கல்வியை ஏதாவது டப்பா பள்ளியில் படித்ததால், அவருக்கும் இந்த ஆங்கிலப் பிரச்சினையோ என்ன எழவோ, பாவம்!)

இவற்றைவிட எனக்கு அதிர்ச்சி தந்த விஷயம்:  இந்த உளறலுக்கும் ஆங்கிலப் பிழைகளுக்கும் — ஓடிவந்து மூன்று ரீட்வீட்களும் நான்கு லைக்குகளும்! இணையக் குளுவான்கள் விசித்திரமானவர்கள் என்பதில் எனக்கு ஐயமேயில்லை!

முட்டாக்கூவான்களின் உலகமடா இது! சலிப்பாக இருக்கிறது.

பின்குறிப்பு: எனக்கு ஒரு மகாமகோ ஆறுதல் அளிக்கும் விஷயம் என்னவென்றால் – வடிவேலு, கருணாநிதி, இசுடாலிர், ஜெயலலிதா, விஜயகாந்த், திருமாவளவன் போன்ற இக்கால மகாமகோ மன்னர்களை மகத்தான எடுத்துக்காட்டுகளாகக் காட்டவில்லை, இந்த புறம்_பாலிடிக்ஸ் பையனார். இந்தக் கருணைக்கு அவருக்கு என் மகத்தான நன்றியை நவில்வதைவிட வேறு வழியேயில்லை!

நன்றி! நன்றி!! நன்றீ!!!    

அலக்கியம், காப்பிக்கடை, அரைகுறைத்தனம் – இன்னபிற இழவுகள்… (26/08/2015 வரை )

 

Advertisements

2 Responses to “புறம்_பாலிடிக்ஸ் டேட்டா_ஸையின்டிஸ்ட் பையரின் தொடர்ந்த, முடிவேயில்லாத உளறல்கள்…”

  1. Anonymous Says:

    > 1958 ஃபெப்ருவரியில் ராஜபுத்திரர்களுடன் நடந்த போரில்
    1568


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: