இரண்டாம் குருஷேத்திரம்: கௌரவபாண்டவர்கள் ஒருங்கிணைந்து நடத்திய அதிரடி கமேண்டோ தாக்குதல்!

14/09/2019

(கவனிக்கவும்: இந்த அத்தியாயம், வெண்முரசு எனும் சமகால நிகழ் மஹோன்னதக் காப்பியத்திலிருந்து  ரகசியக் கமுக்கமாகப் புதைக்கப்பட்ட உண்மை ரகசியம்; ஆனால் எவ்வளவோ தாங்கொணா இன்னல்களுக்கிடையில், உங்களுக்காகவே பிரத்யேகமாக அகழ்வாராய்ச்சி செய்து அதனை மீட்டுக் கொடுத்திருப்பதில் புளகாங்கிதமடைபவனே நான்தான்!)

…படுதீவிரப் பதற்றத் தந்த்ரோபாய மந்திராலோசனையில் ஆழ்ந்து ஈடுபட்டிருந்த குருகுலதிலகங்களின் நடுவே, பொறுமையாக அமர்ந்து, வாதப் பிரதிவாதங்களை மாளாச் சோகத்துடன் கேட்டுக்கொண்டிருந்த பீஷ்மரிடம் – ராமாயணத்திலிருந்து டெம்பரவரியாக டெப்யுடேஷனில் மஜாபாரதத்துக்கு, நம் செல்லப் பெரும்பேராசானால் கறாராக ஆணையிடப்பட்டு வந்திருந்த விஸிட்டிங் ஃபேகல்டி வஸிஷ்டர், தன் வாயால் சொன்னார், “யோ பீஷ்ம பிதாமகர் மேன், இன்னா ஸொல்றே! இது ஆஸ்ஸம் அல்ல, மாறாக புல்ஷிட்!

பீஷ்ம பீஷ்ம பீஷ்ம பீஷ்ம… … என திக்கெல்லாம் அண்ட சராசரங்களிலெல்லாம் சுழன்றுச் சுழன்று எதிரொலி ரொலிரொலி… ரொலிரொலித்த… அந்த ஊழிக்காற்றுச் சூறாவளிச் சப்தத்தினூடே, பீஷ்மர் பதில் பகன்றார், “ஆ! எனக்கா வஸிஷ்டர் வாயால் ப்ரம்மபுல்ஷிட் பட்டம் கிடைத்தது?  பேஷ்பேஷ், ற்றொம்ப நல்லாக்கீதே!”

-0-0-0-0-0-

முன்கதைச் சுருக்கம்

தமிழ் அலக்கிய எழுத்தாளர்களுக்கு இது நல்லகாலமில்லை.

என்ன பிரச்சினை என்றால் – இதுவரை கட்டுண்டோம் பொறுத்திருப்போம் காலம் மாறும் என வாட்களை உறையிலிட்டு வாளாவிருந்த கதாமாந்தர்கள், அடுத்த அத்தியாயத்தையே விடுங்கள், அடுத்த பத்தியில் அவர்கள் பத்தியெரியப் போவது எங்கனம் எனச் சதா பதற்றத்திலிருந்த அவர்களுக்கு இழைக்கப்படும் தொடர்-மாளா அநீதிகளால், வெகுண்டெழுவதைத் தவிர, அவர்களுக்குப் பிறிதொரு ஆகச்சிறந்த வழியே இல்லை, என உணர்ந்தே விட்டனர்…

பின்கதைப் பெருக்கம் —->>>>

முழுமூலப் பிரச்சினை

தற்காலத் தமிழ் அலக்கிய எழுத்தாளர்கள் – உப்புமாபாண்டவம், வெண்முரசு என்கிற ரீதியிலும், மணிரத்னம் போன்ற கிமிழ்க் கிரைப்படக்காரர்கள் – தளபதி குளபத்னி என்கிற ரீதியிலும், சரமாரியாக மஹாபாரதத்தின் பேரில் தொடர் தாக்குதல் நடத்திவருகிறார்கள். இதிலிருந்து தப்பிக்க வழிகளுள்ளனவா என…

பீஷ்மர்: “நாம் உடனடியாக இந்தப் பிரச்சினை குறித்து மூளைப்புயலிப்பது (brain storming) செய்ய வேண்டும்.

வில்லிபாரதம் சரி. ஆனால் வில்லத்தனமாக மஜாபாரதம்? இதெல்லாம் தேவையா நமக்கு?

நம் அணி மதச்சார்பற்ற அணி. ஆகவே, உடனடியாக க்றிஸ்தவர்களையும் முஸ்லீம்களையும் – பெரும்பேராசானுக்கு எதிரணியில் ஒருங்கிணைக்கவேண்டும். உங்களில் யாருக்காவது இதுகுறித்துத் தொடர்புகள் இருந்தால் ஒருங்கிணைக்கலாம்.”

ஆக…

மந்திராலோசனை – ஹை லைட்ஸ்

“நம்மைப் போன்ற மஜாபாரத வீராதிவீரர்கள், வீரமணிகண்டர்கள்.. அவ்ளோ வீரியம் மிக்கவர்கள் என்றால், ஹிந்து கடவுளர்கள் அவ்ளோ சக்தி வாய்ந்தவர்கள் என்றால் – ஏன் அவர்களால், எதிர்த்துத் தாக்குவதையே விடுங்கள், கேவலம், தமிழ் அலக்கிய எழுத்தாளர்களுக்கு எதிராகத் தாக்குப் பிடிக்கமுடியவில்லை?”

“நம்முடைய சிக்கல்களைச் சிடுக்கவிழ்க்க ஆகம தந்திரமந்திர இந்திர மாந்த்ரீகக் கட்டுடைப்பு விற்பன்னரான கடலூர் சீனுவையே சரணடையலாமே? லைக் டோட்டல் ஸர்ரெண்டர்? அவர் காப்பாற்றாவிட்டால் சாட்சாத் பிஸிஏகே47 அனீஷ்க்ருஷ்ணனின் பாதாரவிந்தங்களில் வீழ்ந்து முறையிடலாமே!

ஆகச்சிறந்த இவர்களிருவராலும் பெரும்பேராசானிடம் செய்யமுடியாது என்பது ஏதாவது பிறிந்தொன்றுதான் இருக்கிறதா என்ன??”

மஸூதியாலோசனை – ஹை லைட்ஸ்

“காஃபிர்களானாலும், அவர்கள் தமிழ் அலக்கியவாதிகளால் வன்கொடுமையும் (வன்புணர்ச்சியும்) செய்யப்பட்டுத் துன்புறுத்தப்படுவதை (அல்லாஹ்) ஏற்கமாட்டார். அவர் நல்லவர். கருணையுள்ளவர். இறைதூதர் (மொஹம்மத் நபி) சொல்கிறார் (உங்களுக்கு) – தமிழ் வாசகர்கள் உருவ வழிபாடு செய்பவர்கள், சதா ஹீரோ/ஜீரோ எனப் பேயாக, ஜின்னாக அலைபவர்கள்; அவர்களுக்கு (மார்க்கத்தைத் தவிர) விமோசனமோ கதிமோட்சமோ இல்லை.”

“(தமிழ்) எழுத்தாளர்களினால் (தமிழ்) வாசகர்கள் கழுத்தறுக்கப்படுவதைவிட, அவர்கள் (மார்க்கரீதியில்} மோட்சம் கொடுக்கப்பட்டால் அது அன்பு மிக்கது. (தமிழ்) எழுத்தாளர்களுக்குக் கடுங்கொடூரமான நரகம் நிச்சயம் என (அல்லாஹ்) சொல்கிறார். எண்ணெய்க்க்கொப்பரைக்குப் பதிலாக அமைதிமார்க்கமாக காஃபிர்களை ஒழிப்பதை தமிழலக்கியமே பார்த்துக் கொள்ளும் என்று (அவர்) சொன்னார்.”

சர்ச்சிலொருசர்ச்சை – ஹை லைட்ஸ்

“பாவத்தின் சம்பளம் தமிழலக்கியம். அவிசுவாசிகள் ஜெபித்து ஞானஸ்னானமும் அரிசிமூட்டையும் வாங்கி என்னிடத்தில் விசுவாசம் கொண்டால், பட்டயத்தால் அலக்கியக்காரர்களின் மண்டையை, மலைப் பிரசங்க அஹிம்ஸாரீதியில் ரெண்டாகப் பிளப்பேன். அவர்களைச் சிலுவையில் அறைந்து, அவர்களையும் அறைந்து, என் அன்பு வழியான தனிவழி ரஜினிவழி மூலம் ஏதோ இப்போதைக்கு என்னால் முடிந்ததை ஸ்தோத்தரிப்புச் செய்வேன், நட்டுவாக்கிளிபோல ஷூட்டிங்கில் ஓடுவேன். ஆனால், வாசகப் பரிசுத்தப் பாவிகள் என்னைத் தஞ்சம் அடைந்தால், அவர்கள் ஆவியில் வெந்து தணிந்து காண்டாவார்கள்.”

“நான் பீஷ்மருக்கு நல்ல அப்பமும் அதிரசமும் அவல்உப்புமாவும் பண்ணிக் கொடுப்பேன். அவருக்கு கொலஸ்ட்ராலும் டயாபட்டீஸும் வராமலும் பண்ணி, அவரை நேரடியாக, டோல் கட்டாமல், சொர்க்கத்துக்கு அழைத்துப் போய் அங்கிருக்கும் A2Bயில் குழிப்பணியாரம் பரிமாறி அழகு பார்க்கப் பண்ணுவேன்…”

-0-0-0-0-0-

…மிகுந்த யோசனைக்குப் பிறகு வஸிஷ்டரும் பீஷ்மரும், குந்தியும் தங்கள் பிரச்சினைக்கான முதற்காரணத்தைக் கண்டுபிடித்தனர்.

வ+பீ+கு: யோவ் வ்யாசர்! உம்மால்தான் பிரச்சினை. நாங்களெல்லாம் நிம்மதியாகவும் சுபிட்சத்துடனும் போரடிக்காமல் போர் செய்தது உங்களுக்குப் பிடிக்கவில்லையா?  உங்களை யார் மெனெக்கெட்டு எங்கள் கதையை எழுதச் சொன்னது? ஏதோ காற்றுவாக்கில் எழுதாக்கிளவியாகவும் கிளவனாகவும் இருந்துவிட்டுக் கைலாசம் போயிருப்போமே. இப்படி எங்கள் பெரும்பிரச்சினையில் ஆழ்த்திவிட்டீரே! பெரும்பேராசான் எங்களை இப்படிக் கொடுஞ்சிறைபிடித்துக் காயடித்து, நூறுஇருநூறு புத்தகங்களாக நெட்டைநெடுமர நபும்ஸகர்களாக ஆக்கியமைக்கு நீரே மாளா பாவப் பழிசுமக்கவேண்டும்…

வ்யாசர்: ஐயகோ! இதற்கு நான் காரணமில்லை. என்பெயரில் விருந்தொன்றைப் பரிமாறிய குல்லுகபட்டர் ராஜாஜிதான் இதற்குக் காரணம்; தமிழ் அழுத்தாளர்கள் பண்டமிழைக் கண்டார்களா, செஞ்சமஸ்ருதத்தைக் கண்டார்களா? எல்லாவற்றுக்கும் அந்தப் பாப்பான் தான் காரணம். அந்த ஆள் வேலைவெட்டியற்று எத்தையோ எழுதிவிட்டுப் போக, இப்போது என் குடுமி ஆட்டோமேடிக்காக ஆட்டப்படுகிறது. நான் நிரபராதி.

-0-0-0-0-

நகுலனின் மச்சான் மகன், ஆகச்சிறந்த க்ஷத்ரியனான மகுலன் துரிதமாக வந்து சொன்னான்:

“அமெரிக்க அரவிந்தன்கண்ணையன் — பகலில் வடைஅமெரிக்க இளவரசர், தகவல் தொழில்நுட்பச் செம்மல், பொருளாதாரம் பொறியியல் உள்ளிட்ட சகலகலா துறா வல்லுநர், செந்தமிழ் வேளிர், நல்லாங்கில நல்லோர், அய்ன்ராண்டிய சான்றோர் (இரவில் ஒற்றுவேலை செய்யும் ஒரு உளவாளி 007), அண்மையில் பாரததிக்விஜயம் செய்து பெரியபல நட்சத்திர ஹோட்டல்களை வென்று, கங்கை நீரை குடத்தில் எடுத்து (யாரோ இன்னொரு இளைக்காதராஜா குண்டப்பநாயக்) தலையில் வைத்து ந்யூஜெர்ஸிக்கு எடுத்துச் சென்ற பராக்கிரமம் மிக்கவர் — தான், ஒரு பெரிய என்ஆர்ஐ படையுடனும் ஸிஐஏ உதவியுடனும் நம் உதவிக்கு, இதயம் நல்லெண்ண நிமித்தமாக வருகிறேன் என்கிறார்

(அமெரிக்க எஃபிஐ ஸிஐஏ ரகசிய உளவாளிக் கோப்புகளிலிருந்து மேற்கண்ட படங்கள் எடுக்கப்பட்டுள்ளன; அரவிந்தன் கண்ணையன் ஒரு
ஸிஐஏ ஏஜண்ட்!)

இங்குதான் சென்னையிலே ஒரு பலநட்சத்திரஹோட்டலில், பலப்பலவிதமான மாறுவேடங்களில் கலர்கலராகவும் கோடுகோடாகவும் கட்டம்கட்டமாகவும் பூப்பூவாகவும் (பறந்துபோகும் பட்டுப்பூச்சி அக்கா, நீ பளபளன்னு போட்டிருப்பது யாரு கொடுத்த சொக்கா) சட்டை போட்டுக்கொண்டு சட்டைபண்ணாமல் சட்டரீதியாக அசட்டையற்று அமெரிக்கத்தனமாகத் தங்கியிருக்கிறாராம்.

பீஷ்மர்: “ஆ! ஏற்கனவே நாம் பெரும்பேராசானால் மந்திரமாயக்கட்டு போடப்பட்டு அசக்தியால் பீடிக்கப்பட்டிருக்கிறோம். இப்போது இந்த அமெரிக்க உத்ஸவமூர்த்தியும் வந்து ஆங்கிலத்தில் தஸ்புஸ்ஸென்று பேசிக் குட்டையைக் குழப்பினால் மேலதிகப் பிரச்சினை; அவர் அங்கேயே அமெரிக்காவில் சௌகர்யமாக உட்கார்ந்துகொண்டு, நம் மஹாமஹோபாரதத்துக்கு உதவியாக விட்டுக்கொண்டிருக்கும் அறிவுரைகளுக்கு அப்பாற்பட்டு, யூஎஸ்ஏவின் சகல இடியாப்பச் சிக்கல் பிரச்சினைகளையும் நேருவியஸோஷலிஸம் வழியில் அய்ன்ரேண்டாகத் தீர்த்துக்கொண்டிருக்கட்டும். ஒருவேளை நமக்கு ஏதாவது தகவல் தொழில் நுட்ப அல்லது ‘ட்ராவல் ரைட்டிங்’ பிரச்சினை இருந்தால், அல்லது ‘நேஷனல் ஜியாக்ரஃபிக்‘ படிக்கவேண்டும்போல இருந்தால், ஒருகால், அவர் சேவை நமக்கு அவசியமாகவே வேண்டுமானால் அவரை வாட்ஸ்அப்பில் அணுகி அவருடைய அருள்வாக்கையும் பெறலாம், அவ்ளோதான். நன்றி.”

மகுலன்: ஹ்ம்ம்… க்ருஷ்ணரின் உபகிருஷ்ணரான யுவகிருஷ்ணரும், ‘உதவிக்கு வரவா’ எனக் கேட்டுக்கொண்டிருக்கிறார். அவருக்கு என்ன பதில் பகரலாம்?

பீஷ்மர்: “அவர் வேண்டாம். அவர் பிதுங்கும் பாற்சுரப்பிகளுடனே படுபிஸியாக இருக்கட்டும்.”

மகுலன்: “மணிகண்டன்?”

பீஷ்மர்: ”      ”

மகுலன்: “???”

பீஷ்மர்: “நமக்கெதுக்கு வம்பு!”

மகுலன்: “சரி… மதிமாறன்?”

பீஷ்மர்: “மதி மாறிய ஒருவரால் என்னதான் அறிவுபூர்வமாகப் பினாத்த முடியும்? மேலும் எனக்கு முரசொலி மாறனே கனவில் வந்து ‘திருட்டுப் பணத்தைப் பதுக்குவது எப்படி” போன்ற அறிவுரைகளைத் தருகிறார். ஒருமாறனுக்கு மேல் வேண்டவே வேண்டாம் என்பதுதான் நமக்கு வெற்றுமாறனைத் தரும் மாறக்கட்டுப்பாடு.”

மகுலன்: “பிஏகிருஷ்ணன் அவர்கள்? இப்பத்தான் ஃபோன் பேசினார். அவர் 200-250 வருடம் பின்னால் போய், திப்பு ஸுல்தான் படையுடன் கைகோர்த்துக்கொண்டு அறிவியல்பூர்வமான மதச்சார்பற்ற நேருவியஸோஷலிஸ்டாக வருகிறாராம். தொன்மக் கதைமாந்தர்களுக்கு துரோகம் இழைக்கப்படுவதற்கு எதிராக, கடவுளர்களின் உரிமைகளையும் சமத்துவ ஸோஷலிஸத்தையும் சிரமேற்கொண்டு காப்பதற்காக, (ஒரிஜினல்) ஸ்டாலினின் (ஒரிஜினல்) சீடராக, தான் வருகிறேன் எனச் சொல்கிறார். ஒன்றுமே புரியவில்லை.”

பீஷ்மர்: “ஐயய்யோ வேண்டாம்! ‘திப்புஸுல்தான் படை’ என்று கூக்ளில் போட்டுத் தேடி அதுவும் ஏதாவது பலப்பல விடைகளை அள்ளிக்கொட்டி அதன்மூலம், ஏதாவது சொறி சிரங்கு பூஞ்சணம் படர்தாமரை ஹெர்பெஸ் போன்ற வியாதிதான் அந்தப் படை என்று கண்டுபிடித்துச் சொல்லி நமக்கெல்லாம் அந்த வியாதியை ‘மெகா ஆஃபர்’ எனக் கொடுத்துவிடுவார். அவர் பெரியவர், அவரை விட்டுவிடலாம்.”

மகுலன்: “பெரும்பேராசானின் பெருமதிப்புக்குரிய பிஏகே-வால் பெரும்பேராசானிடம் முடியாதது எதுவுமே இல்லை! அவரைத் தூதனுப்பினால் பிரச்சினை துப்புரவாக க்ளோஸ்.”

பீஷ்மர்: “ஐயோ வேண்டாம்; இப்போதைக்கு இதனை சாய்ஸில் விட்டுவிடலாம்; அவர் உதவியைக் கேட்டால், ஊக்கபோனஸாக திருவாய்மொளி உன்வாயில்களி என பழைய பாசுரங்களை சுரம்வந்தாற்போலச் சுரந்துவிடுவார்… போர்க்கால ரீதியில் இதெல்லாம் நமக்குத் தேவையா?

நம்முடைய உடனடிக் கொடூரப் பிரச்சினை என்ன? பெரும்பேராசானின் அழிச்சாட்டியத்திலிருந்து தப்புவதுதானே! அது நேருவியத்தாலோ ஆண்டாள் பெண்டான் என்று உருகுவதாலோ முடியுமா? பெரும்பேராசானிய விசைப்பலகைப் பராக்கிரமத்தின் ஒரு சிறு தூசுக்கு, ‘புலம்பீரோ எம்பாவாய்’ ஈடாகுமா?

நம்முடைய உடனடித் தேவை, தம் உயிரைத் திரணமாக மதிக்கும் வீராதிவீர கமேண்டோ படை. அதி நவீன ஆயுதங்களுடன் இருக்கும் பெரும்பேராசானின் புஜபல பராக்கிரமத்தைக் குறைத்து மதிப்பிடாத வீரர் திரள். நம்மையெல்லாம் வெண்முரசின் ஆணவத்திலிருந்தும் கொடுஞ்சிறையிலிருந்தும் மீட்டெடுக்கப் போடும் தற்கொலைப் படை…

வியட்நாம் பட ஸில்வெஸ்டர் ஸ்டால்லன் ஃபர்ஸ்ட் ப்ளட் என ஒரு படம்கூடப் பார்க்காத உன்னிடம் பேச நேர்ந்திருப்பது என் கெட்டூழ். :-(

…டேய், போய் வுருப்பட்ற வளியப் பாருங்கடே! பெர்ஸ்ஸா பரிந்துரே செய்ய வந்த்ட்டானுவ…”

–0-0-0–

….அடுத்த பகுதியில்: தற்கொலைக் கமேண்டோக்கள் தயாராகிறார்கள்.

(ஆனால், இந்த ரகசியம், நமக்குள்ளேயே இருக்கட்டும், வெளியே தெரியவந்தால் அது நம் அனைவருக்கும் ஆகச்சிறந்த பிரச்சினையாவதைத் தவிரப் பிறிந்தொன்றாகாதன்றோ? முக்கியமாக, பெரும்பேராசானுக்கு இந்த விஷயம்  தெரியவே கூடாது. சரியா?

அவருக்கு இந்த வியூகங்களும் கொள்கைக் கூட்டணிகளும் அவற்றின் தந்திரோபாயங்களும் பற்றி ஒரு சிறுதுணுக்கு தெரியவந்தாலும் அதை வைத்து, கற்பனையிலும் படைப்புத்திறனிலும் ஆழ்ந்து அனைத்து விஷயங்களையும் அறிந்துகொண்டு விடுவார்வேறு! + உடனடியாக அவருடைய ஆபத்துதவிப் படையினரை முடுக்கிவிடுவதை மட்டுமல்லாமல் புளித்தமாவுப் பீரங்கிப் ப்ளாஸ்டிக்குண்டுகளையும் ரெடி செய்துவிடுவார், ஜாக்கிரதை….)

7 Responses to “இரண்டாம் குருஷேத்திரம்: கௌரவபாண்டவர்கள் ஒருங்கிணைந்து நடத்திய அதிரடி கமேண்டோ தாக்குதல்!”

  1. anonymess Says:

    sirippey varalley


    • யோவ்! நீ சிரிப்பதற்கா எழுதினேன்?

      நான் எழுதி நானே படித்து நானே அழுவதற்காகத்தான்… போங்கடே!


  2. அடுத்து, anonymouse, anonymoose, anonymoustachio, anonymiss வரிசையாக வரவும்…

  3. Muthukumar Says:

    PA Krishnan asanaiye kalai vari vuttuttar (Mavu…)


    • ? did not get the context, siree…

      • Muthukumar Says:

        தான் தாக்கப்பட்ட விஜயத்தில் , அவர் , “கேஸ் பலப்படவே மருத்துவமனை விஜயம் ” என டுவிட்டி பின் சீனுடர்களால் நீக்கியத்தில் , மனம் புண்பட்டிருக்கும் ஆசானிடம் , எப்படி தூது செல்லவியலும்?


        • ஓ! பிஏகே பற்றித்தான் ஜெயமோகன் புலம்பினாரா? சரியான அக்கப்போர்தான்! ;-) எல்லாமே புனைவுதான்!


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s