பண்டைய தென்னமெரிக்காவில் கீழடிச் சோழர்கள்!

06/11/2019

இந்தத் தலைப்பில் அகழ்வாராய்ச்சி அறிஞர் அமர்நாத் ராமகிருஷ்ணா, அகழ்வாராய்ச்சி இயக்குநர் உதயசந்திரன் ஐஏஎஸ் சேர்ந்தெழுதிய வரலாற்றாராய்ச்சிப் புத்தகம் கூடிய விரைவில் வெளிவரும் எனும் மகிழ்ச்சிதரும் செய்தியினை ரகசியமாக வைத்துக் கொள்வீர்களா, ப்ளீஸ்?

-0-0-0-0-0-

மண்டையில் அடித்துக்கொண்டு, உங்களுக்கு இம்மாதிரி நற்செய்திகளை முன் தந்து உங்களுடைய பரிசுத்த ஆவிகளை மேலெழுப்பப் போவதே நான் தான், என்ன செய்ய…

ஆனால் அம்மணிகளே, அம்மணர்களே!

இந்த வரலாற்றை மாற்றி எழுதப்போகும் செய்தியை நம்மில் எவ்வளவுபேர் அறிவோம்?

-0-0-0-0-0-

ஏப்ரல் 1, 2025: முன்னதாக, கீழடியில் கடந்த ஐந்துவருடங்களாக, ஓய்வுஒழிவே இல்லாமல் தொடர்ந்து அகழ்வாராய்ச்சி நடந்துகொண்டிருப்பது நமக்கெல்லாம் தெரிந்ததே.

-0-0-0-0-

ஏப்ரல் 2020: சுமார் இரண்டு கிலோமீட்டர் ஆழத்தில் அக்காலத்தில் இருந்த நெடுங்கீழடி நகர நாகரிகத்தின் எச்சங்கள் அகழப்பட்டு, இரண்டாம் சங்கம் (கிபி 7008ஆம் ஆண்டு) குறித்த ஓலைச்சுவடிகளும் பானை எழுத்துகளும் கிடைத்தன.  வண்டேர் செழியனின் எலும்புகளும் கிடைத்தன; ஆக, இடைச்சங்க கால கபாடபுரம்தான் அது என்பது தெளிவுபட்டது. இதனைக் குறித்த ஒரு முன்மாதிரி ஆராய்ச்சிக்கு, அறிஞர் மதிமாறனும், விஞ்ஞானி  யுவகிருஷ்ணாவும் உடனடியாக போர்க்காலரீதியில் நொபெல் பரிசும் கலைமாமணி விருதும் வழங்கப்பட்டு, அந்தந்தப் பரிசுகளுக்கும் அமைப்புகளுக்கும் பெருமை சேர்த்தனர் என்பது நாம் அறிந்ததே!

ஏப்ரல் 2021: இன்னமும் 40 கிலோமீட்டர் நோண்டியதில் கிடைத்த தரவுகளும் அவற்றின் மீதான கார்பன்14 கால அனுமானங்களும் மட்டுமல்லாமல்  முதற்சங்ககாலம் சார்ந்த சோமபானம் காய்ச்சின வழுதிக் கடுங்கோன் குறித்த தகவல்களும் கிடைத்தன. ஆக, அதன் காலகட்டம் கிபி 18, 007 ஃபெப்ருவரி 30ஆம் தேதியாக இருக்கலாம் என மரபணுச் சோதனைகள் தெரிவிக்கின்றன என்று ஸ்ருதிசாகர் யமுனனும், டோனி ஜோஸஃப் போன்ற அறிவாளிச் சான்றோர்களும் முதன்மை ஆராய்ச்சியாளர்களும் தெரிவித்திருக்கின்றனர்.  (பேரறிவாளர் ஸ்ருதிசாகர், அவர் வழமையேபோல, இன்று அவர் வெளியிட்ட அறிக்கையில் அது ஃபெப்ருவரி 30 அல்ல, மாறாக 31ஆகத் தான் இருக்கவேண்டும் எனக் குறிப்பிடுகிறார்)

-0-0-0-0-

பின்னர், அகழ்வாராய்ச்சிக் குழுவினரிடமிருந்து ஒரு தகவலும் வராத நிலையில் சுமார் 4 ஆண்டுகள்  வெகு இனிமையாகவும் விமரிசையாகவும் கழிந்தன.

தமிழர்களும் – அவர்கள் வழக்கம்போலவே,  திருவள்ளுவர் ஹிந்துவல்ல, கிருபானந்தவாரியார் ஒரு கிறித்தவர், மும்முடிச் சோழன் ஒரு அக்மார்க் முஸ்லீம், சிவன் ஹிந்து கடவுளல்ல, வினாயகர் ஸாவர்க்கரின் அவதாரமல்ல, சங்ககாலம் சங்கிகாலமல்ல மாறாக அது சங்கேமுழங்குகாலம், முருகன் லெமூரியக் கடவுள், முருகன் கையில் இருப்பது கன் அது வேலல்ல, மயில் முருகனின் வாகனம் அல்ல மாறாக பதினாறுவயதினிலேயே அது ஒரு நடிகை… … என தர்க்கரீதியாக ரூம்பு போட்டு ரோசிச்சி முன்னோக்கி நகர்ந்து, ஹிந்துக்கள் ஹிந்துக்களேயல்ல, தமிழகம் குமரிக்கண்டம்தான், அது ஒரு தனித் தீவு, ஆனால் கண்ணுக்குப் புலப்படாது, பண்டைய தமிழகம்தான் உலகம் அதன் ஒருபகுதிதான் பாரதம்…  என்று… …

மெரீனாவில் அவ்வப்போது போராளிப் போராட்டம் நடத்தி, அதனை மூத்திரக்காடாக அடித்து…

சுமார் 30 புது நடிகர்களுக்கு ரசிகர் நற்பணி மன்றம் அமைத்து அதன்மூலமாக முக்கியத் திருப்பணியான சினிமாத் தியேட்டர்களில் பேனர் வைத்து… (மக்களும் அவர்கள் சார்பில் ஏகோபித்த ஆதரவு கொடுத்து எப்படி இவர்கள் 30 பேரும் எதிர்காலத்தில் முதலையமைச்சராக முடியும் எனக் குழம்பி)

நடிகர்கள் எல்லாம் தொடர்ந்து அறிவியல் பேசி…

திரைப்பட இயக்குநர்கள் அரசியல் பேசி…

திராவிடக் கொள்ளைக்கார அரசியல்வாதிகள் திரைப்படங்கள் எடுத்து…

அலக்கியவாதிகள் தொடர்ந்து காப்பியடித்து, உளறிக்கொட்டி…

இசுடாலிர் அவர் பங்குக்கு நாளொரு உளறலும் பொழுதொரு துண்டுச்சீட்டுமாகத் தொடர்ந்து தொல்லை கொடுத்துக்கொண்டு… மூன்றுமாதங்களில் எடப்பாடி ஆட்சி  கவிழும் என ஆரூடம் சொல்லிக்கொண்டு… அடுத்த 2026 தேர்தலில் திமுக ஆட்சிதான் எனச் சொல்லி உடன் இறப்புகளுக்கு உற்சாகம் கொடுத்துக்கொண்டு…

அம்மாடியோ!

-0-0-0-0-0-

…ஆனால் நமக்கெல்லாம் தெரியவராத விஷயம் என்னவென்றால், இந்த நான்காண்டுகளில் தீவிரமாக நோண்டி நோண்டி பூமிக்குள் ஆழமாகப் பயணித்து, நேற்று தென்னமெரிக்காவையே சென்றடைந்துவிட்டனர், நம் தமிழக அகழ்வாராய்ச்சிக் காரர்கள்! அவர்கள் பழம்பெருச்சாளிக்குமாரர்களன்றோ?

அகழ்வாராய்ச்சியாளரான அண்ணாமலை தான் முதலில் தான் தோண்டிய சுரங்கத்திலிருந்து வெளியே வந்து, தென்னமெரிக்காவின் ஆண்டீஸ் மலையைப் பார்த்தவர்.

பனிமூடிய அம்மலைச் சிகரங்களைக் கண்டவுடன் அவர் சொன்னது, பொன்னெழுத்துகளில் பொறிக்கப்படவேண்டியது!

“நாங்கோ ஆண்ட பரம்பரை மட்டுமில்லடா!

நாங்க ஆண்டீசு பரம்பரையும்டா!!”

அங்கே போனவுடன் அவர்கள் முதலில் பார்த்தது ஒரு சோழப் பெண்ணை…

அதாவது பிக்பேங்க் பெருவெடிப்பு தோன்றி நம் திமுக உதயசூரிய பின்வெடிப்பு தோன்றாக் காலத்துக்கு முன்பிலிருந்தே, நம் மிகமிகமுற்காலச் சோழர்களும் சோழிகளும் உலகெங்கும் தமிழ்க்கோல் செங்கோல் ஓச்சியதை நமக்கு நாமே நினைவு படுத்திக்கொள்ள கிடைத்த அரிய சந்தர்ப்பம்…

-0-0-0-0-0-

சரி. நான் சொன்னால் நம்பமாட்டீர்கள், கிண்டல் செய்கிறேன் எனக் குற்றம் சாட்டுவீர்கள்!

ஆனால் சோழப்பெண்ணாகிய அவரைப் பற்றிய ஒரு முழு நீள ஆராய்ச்சிப் புத்தகமே வந்திருக்கிறது என்றால்…

அதன் தலைப்பு: சோழர்கள் பிஸ்தாக்கள்! (Translation © S. Ramakrishnan, 2025)

அமேஸானின் வாங்க:

இதனை ஒட்டியும் தழுவியும் முன்னெடுத்தும் தொடர்ந்து, எழுதப்பட்டுக் கொண்டிருக்கும் ‘சோழர்கள் தமிழ்ப் பிஸ்தாக்கள் செம்பிஸ்தாக்கள்!‘  புத்தகம் நமக்கெல்லாம் புதிய திறப்புகளை அளிக்கும் என்பதில் எனக்கு ஐயமே இல்லை. நன்றி. (தலைப்பை அதற்குள் எழுத்தாளர்கள் மாற்றி விட்டார்கள் என்ன செய்ய!)

முன்வெளியீட்டுச் சலுகை விவரங்களுக்கு அமர்நாத் ராமகிருஷ்ணனையும்,  உதயசூரியனையும் உடனடியாக அணுகவும்.

2 Responses to “பண்டைய தென்னமெரிக்காவில் கீழடிச் சோழர்கள்!”

  1. K.Muthuramakrishnan Says:

    உண்மையாகவே நீங்கள் செய்த கற்பனையெல்லாம் நடைமுறைக்கு வந்துவிட்டால்….?


    • யோவ்! வடைஅமெரிக்க யுஎஸ்ஏ, கனடா, ஆஸ்த்ரேலியா, ஹாலண்ட் போன்ற எழவுகளுக்குக் குடிபெயரவேண்டுமென்றால் யாரை அணுகவேண்டும்?


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s