இன்னாதூ? ஸேவியர் தான் சிவனா??

08/11/2019

மன்னிக்கவும், அது மட்டுமல்ல…

உலகம் கொண்டாடும், ஹிந்துத்துவர்கள் காரியார்த்தமாக தம் மண்டைகள்மேல் தூக்கி வைத்துக்கொண்டாடும் வள்ளுவர்தாம்,  ஒரிஜினல் ஸெய்ண்ட் புனித தாமஸ் தோமையர் சாந்தோமிய சின்னமலையர் மயிலாப்பூரார் எனும் மறைக்கப்பட்ட (ஆக, ஹிந்துத்துவர்களுக்குச் சங்கடம் கொடுத்து இக்கட்டில் வைத்திருக்கும்)  உண்மையே இப்போதுதானே வெளிவருகிறது!

…இப்படி அநியாயத்துக்குப் புதைக்கப்பட்ட உண்மைகளும் நசுக்கப்பட்ட நன்மைகளும் ஒளிக்கப்பட்ட இருட்டுகளும் அழித்தொழிக்கப்பட்டு, நம் திராவிடத் தமிழமானது – பரந்துபட்ட தமிழர்களை உசுப்பி எழுப்பப்போவது எப்போது?

-0-0-0-0-0-

நம்மில் எவ்ளோ பேருக்குத் தெரியும்??? …

நாம் துளிக்கூட மரியாதை இல்லாமல் ‘சிவன்’ என்று அழைக்கும் ஹிந்து கடவுளின் பெயர் உண்மையில், மரியாதைக்குரிய ‘சிவர்’ என்பது தான் சரி.

இந்த சிவர் என்பது கூட ஸேவியர் (Xavier) என்பதன் மரூவு என்பதை நம்மில் எவ்வளவுபேர் அறிவோம்?

ஆக, சிவன், ஹிந்துக்களின் கடவுளல்ல. அவன், க்றிஸ்தவர்கள் பெரியமனது பண்ணி நமக்களித்த கொடை.

அவன் கையில் இருக்கும் திரிசூலம் – ஹிந்துத்துவ வெறியர்களால்  வளைக்கப்பட்ட சிலுவை மட்டுமே!

சிலுவையைக் குறிப்பதற்காகச் சொல்லப்படும்  CRUCIFIX சொல்லும் சிவனுடைய (அதாவது ஸேவியர்)  திரிசூலத்தைக் குறிக்கும் லத்தீன்வழி CRUSIVAX சொல்லும் ஏறத்தாழ ஒன்றேதானன்றொ?

தென்னாடுடைய ஸேவியரே போற்றீ!

-0-0-0-0-0-

ராமாயணம் எனும் ராமகதை, ஹிந்துக்களுடையது அல்ல.

ஏனெனில் ரோமாயணம் எனும் அந்த இதிஹாஸம், இத்தாலியின் ரோமில், காலவெளி ரோமிங் சார்ஜஸ் இல்லாமலேயே கற்காலத்தில் நடந்த விஷயம்தான் அது. பிற்காலத்தில் ஸெய்ண்ட் தாமஸ் இந்தியாவுக்கு வருகை தந்தபோது இங்கிருந்த பண்பாடற்ற காட்டுமிராண்டிகளுக்கு அவர் கொடுத்த கொடைதான் அது.

அதன் கதைமாந்தன் ஸ்ரீ ராமன், ஸர் ரோமன் என பிரித்தானிய பார்லிமெண்டாலும் அரசாலும், தயாளகுணத்துடன் கௌரவிக்கப்பட்ட அவிசுவாசிதான் என்பதே நம்மில் எவ்வளவு பேருக்குத் தெரியும்… அவர் பெயர் எப்படி மருவி (Sir Roman -> Sri Raman) ஆனது என்பதை வரலாற்று விற்பன்ன அம்மணி ஆட்ரீ ட்ருஷ்கீ எழுதி ஆடித்தள்ளுபடி கொடுத்து விற்கப்போகிறார் என்பதாவது நமக்குத் தெரியுமா?

-0-0-0-0-0-

மஹாபாரதம் ஹிந்து இதிஹாசம் அல்ல.

ஏனெனில்,  அதில் உள்ள பாண்டவர்கள், போப்பாண்டவர் வம்சாவளினர். அதே வம்சாவளியில் வந்தவர் தான் ஆழ்வார்பேட்டை எல்டாம்ஸ் ரோடு ஆண்டவர் என வணங்கப்படும் கமலகாசனார் என்பதும் உண்மைதான்!

ஆக மஹாபாரதம், க்றிஸ்தவத்தின் – அதாவது போப்பாண்டவர்களின் வம்சாவளிய வெற்றியைக் குறிக்கிறதே தவிர வேறு எதையும் இல்லை.

-0-0-0-0-0-

ஹிந்து தத்துவங்களில் மூன்றுவிதமான குணங்கள்/பண்புகள் பற்றிக் குறிப்பிடப் படுவதை நாம் அறிவோம் – ஸத்வம், ரஜஸ், தமஸ்.

இதைப் பற்றி நம்மில் பலருக்குத் தெரிந்திருக்குமானாலும், தமஸ் என்பது  புனித ஸெய்ண்ட் தாமஸ்,  ரத்தவெறிகொண்ட மயிலை பார்ப்பனர்களால் துரத்தப்பட்டு (இதனை நேரில் பார்த்த ரத்த சாட்சியங்கள் இன்னமும் மயிலை பகுதியில் வசிக்கிறார்கள் என்பதாவது நமக்குத் தெரியுமா?) அவர் ஓடித் தடுக்கிவிழுந்து அவருடைய ஒரு கால் உடைந்தபின் அவருக்குக் கிடைத்த அருட்குணாதிசியம் – தமஸ் – பற்றித்தான் என்பதை நம்மில் எவ்ளோ பேர் அறிவோம்?

கணிதரீதியாகவும் இதற்குத் தரவுகள் இருக்கின்றன. வேண்டுமானால் சரிபார்த்துக்கொல்லுங்கள்: தாமஸ் – கால் = தமஸ்.

-0-0-0-0-

யஜூர் வேதம் என ஹிந்துத்துவர்களால் பினாத்தப்படுவது, உண்மையில் யேஸுர்வேதம் என்பதிலிருந்துதான் வந்தது என்பதை நம்மில் எவ்ளோ பேர்…

யேஸு பற்றி​ய வேதமான இது எப்படி ஹிந்துத்துவர்களால் ‘யஜூர் வேதம்’ என்றெல்லாம் திரிக்கப் பட்டிருக்கிறது என்பதை நாமறிந்தால் அசந்துபோவோம்!

புனித ஜெஸூய்ட் பாதிரிகளின் இந்தியக் கொடைகளில் ஒன்றான இந்த யேஸூர்வேதத்தைப் போற்றியவர்களுள் ஃப்ரெஞ்சுப் போராளி அறிவாளி வோல்டேரும் ஒருவர் என்பதையாவது நாம் அறிவோமா?

-0-0-0-0-

மதுரை (அல்லது மஜுரா அல்லது மட்யுரா என்றெல்லாம் செல்லமாக நம்மால் ஆங்கிலத்தனமாக அழைக்கப்படும்) மதுரை குதிரை குருதை என்று தமிழர்கள் பெருமைப்படும் ஊரே (மதுரைச் சங்கமாம், சங்கம்… என்ன எழவு தற்பெருமையோ!) ஸ்பெய்ன் தேசத்தின் மாட்ரிட் என்பதன் லோக்கல் வடிவம் என்பதையும் நமக்கு பிறர் சொல்லித்தான் தெரியவேண்டும்!

கிபி 1010ஆம் ஆண்டுவாக்கில் தஞ்சாவூரில் ராஜராஜசோழ மேஸ்திரி கொல்த்துக்காரர் ஏதோ ஸேவியருக்கு என, பெரீய்ய கோவில் ஒன்றைக் கட்டிக்கொண்டிருந்தபோதே ஸ்பெய்ன் தேசத்து ஜெஸுய்ட் ஏசுசபைப் பாதிரிகள்  பாண்டிய மாட்ரிட் நகரைக் கட்டமைத்துவிட்டார்கள் என்பது நம்மில் எவ்ளோ பேருக்குத் தெரியும்?

-0-0-0-0-0-

இன்னமும் பிற உண்மைகள் பின்னர், அவ்வப்போது வெளியிடப்படும்.

தென்னாடுடைய ஸேவியரே போற்றீ!

நன்றி.

3 Responses to “…இன்னாதூ? ஸேவியர் தான் சிவனா??”

  1. nparamasivam1951 Says:

    தென்னாடுடைய சேவியரே, எந்நாட்டவருக்கும் ஆன பிதா என பூரணமாக அறிய முடிந்தது. நன்றி.

  2. Ganesh Says:

    இது அப்படியே எடுக்கப்பட்டு உண்மையைப் போல் வெளிவரும். மயிர் பிளக்கும் விவாதங்கள் நடக்கலாம். தமிழனுடைய அறிவும் ஆற்றலும் தெரிந்த நீங்களே இப்படி எடுத்து கொடுக்கலாமா? குறிப்பாக படங்கள்.

  3. Swami Says:

    உங்கள் பொறுப்பற்ற இப்பதிவை மிகவன்மையாக கண்டிக்கிறேன் இது whatasapp fowardஆக உருமாறி உங்களுக்கே வந்து சேரட்டும் என்று சபிக்கிறேன். அல்லது ஜெபிக்கிறேன்


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s