‘கஜினி’ மொஹம்மத், குஜராத்தின் ஸோமநாதர் கோவில் + ப்ராஹ்மணர்கள், ஆர்ய ஸமாஜ், பாபர் உயில், தமிழ்ப்பிலிம் செம்பிலிம், வரலாற்று உளறாறுகள், ஆர்எஸ் பிரபு – குறிப்புகள்

06/02/2021

இதனை எழுதுவதற்கு ஒரு முக்கியமான காரணம்: ஒரு படுமோசமான, அபத்தக் களஞ்சியமான, பொய்ப் பரப்புரை உளறல் ஃபேஸ்புக் பதிவை, ஆச்சரியத்தக்க விதத்தில் ஆர்வத்துடன் சப்புக்கொட்டிக்கொண்டு பகிர்ந்துள்ளவர், பொதுவாகவே நான் மதிக்கும் இளைஞர்களில் ஒருவரான ஆர்எஸ்பிரபு அவர்கள்.

இப்பதிவில் கீழ்கண்ட விஷயங்கள் அணுகப் படுகின்றன:

1. ஆர்எஸ் பிரபு அவர்கள் பகிர்ந்த பதிவினை முன்வைத்து அவரைப் பற்றி   சில குறிப்புகள்

2. ஏறக்குறைய – ஆர்எஸ் பிரபு பகிர்ந்த ‘கேஸ்ட்ரொ ஃபிஷர்’  அல்லது  ‘சூர்யா ஸேவியர்’ எழுதிய பதிவு “யார் கஜினி முகம்மது” இன்னொரு இடத்திலிருந்து கமுக்கமாகச் சுடப்பட்ட விஷயம் (+பின்புலங்கள்)

3. ஆர்ய ஸமாஜ் ஸ்வாமி தயானந்த் ஸரஸ்வதி + அவருடைய ஸத்யார்த் ப்ரகாஷ் குறித்த விஷயங்கள்

4.”யார் கஜினி முகம்மது?” பொய்மைகளுக்குச் சில (சில மட்டுஂமே! ஏனெனில் எல்லாவற்றையும் சுளுக்கெடுக்க வேண்டுமென்றால், இப்பதிவு 20000 வார்த்தைகளுக்கு மேல் எடுக்கும்!) எடுத்துக் காட்டுகள்

5. ‘பாபர் உயில்’  எனும் பீலாடகீல் பிரச்சாரம்

6. குஜராத்தின் ஸோமநாதர் கோவில் குறித்த சில மேலதிகக் குறிப்புகள்

சரி.

1

ஆர்எஸ் பிரபு அவர்கள் பகிர்ந்த பதிவினை முன்வைத்து அவரைப் பற்றி   சில குறிப்புகள்:

…ஏனெனில், அவருடைய அடிப்படை புத்திசாலித்தனத்தைம் மெச்சுபவன் நான் – பொதுவாகவே வறட்சிப் பிரதேசமான தமிழறிவுஜீவியக் களப்பண்பாட்டுச் சூழலில், அவர் சக்திக்கேற்ப மாற்றுக் கருத்துகளை முன்வைப்பவர் அவர்.

தரவுகள்பூர்வமாகவும் உணர்ச்சிவசப் படாமலும் அவர் வைத்துள்ள சில விமர்சனங்களை, கட்டுரைகளை (+அப்படியற்ற உணர்ச்சிபூர்வமான, பகுத்தறிவுசாரா டைம்பாஸ் தர சில கட்டுரைகளையும் முடிந்தவரை லூஸ்ல வுட்டுவிட்டு)  நான் படித்திருக்கிறேன். அவற்றைக் குறித்து ஓரிருமுறை எழுதியுமிருக்கிறேன்.

பௌத்தம், ஆர்எஸ் ப்ரபு அவர்கள் மேற்கோள் காட்டியுள்ள புத்தகவரிகள், நகைச்சுவைச் சோகம் – குறிப்புகள் 09/05/2020

இந்தப் பதிவில் #39ல், ஆர் எஸ் பிரபு பகிரங்கமாக திமுக முக இசுடாலிரைக் கிண்டல் செய்ததற்குக் கண்டனமும் தெரிவித்திருக்கிறேன்.

மற்றபடி எங்கள் இருவருக்கும் பொதுவான புள்ளியொன்று தொடர்பாக (என்னுடைய கடந்தகால அமெச்சூர் ரேடியொ தொலைத்தொடர்பு முனைவுகள்)  சிலபல முறை தனிப்பட்ட மின்னஞ்சல் பரிமாற்றங்களும் நடந்திருக்கின்றன.

ஆனால்.

இந்தப் “யார் கஜினி முகம்மது” பதிவினைப் பொறுத்தவரை அவர் பிறழ்ந்திருக்கிறார் எனச் சொல்வேன். இது அவருடைய வீழ்ச்சியின் தொடக்கமாக அமையக் கூடாது எனவும் நான் கருதுகிறேன். ஏனெனில், பொதுவாகவே தமிழ்ச் சூழலென்பது ஆலையில்லா ஊர்.

ஏனெனில் ஜெயமோகனுக்குத் தொடர்பற்ற துறைகளில் ஒரு மசுத்தையும் தெரிந்துகொள்ளாமல், ஒருவித சரிபார்த்தலையும் கற்றலையும் செய்யாமல் சும்மனாச்சிக்கும் ஒரு ‘பொது மனிதனாக,’ உதாசீனத்துடன், எல்லாம் தெரிந்த பெரும்பேராசான் அவர்கள் அறச்சீற்றத்துடன் அட்ச்சிவுட்டதை இதே ஆர்எஸ்பிரபு எதிர்கொண்டு நையாண்டியும் தகவலுமாக எதிர்வினை புரிந்தார் – நானும் அச்சமயம் ஆர்எஸ் பிரபு அவர்களைச் சிலாகித்திருக்கிறேன்: …நம்மாழ்வாரியம், ‘ஆர்கனிக்’ பஜனை மடங்கள், அகடவிகடன் – ஆனால், அழகான ஆர்எஸ் பிரபு: சில குறிப்புகள் 09/07/2017

ஆனால் அதே  ஆர்எஸ் பிரபு, ஜெயமோகன் செய்த அதே போன்ற தவற்றினை, மிக அதிக வீரியத்துடனும் கொஞ்சம்போலப் பண்பில்லாமலும் இப்போது செய்திருக்கிறார். இது சோகம்.

இப்படிச் செய்யும் ஆர்எஸ்பிரபு அவர்களுக்கு, ஜெயமோகனைக் குறை கூறக்கூடிய தகுதி இல்லை என்பதே சரி.

மற்றபடி – தர்க்கரீதியற்ற ‘பார்ப்பனர்களுக்கெதிரான பொத்தாம்பொதுவான காழ்ப்பு’ என்பது, தற்காலத் தமிழ் நாகரிகத்தின் முக்கியமான அங்கம், அதுவும் தமிழ/மராத்திய இளைஞர்களின் அடிப்படை ஃபேஷனபிள் ஸ்டைல் என்பதை ஓரளவு நேரடியாக உணர்ந்திருக்கும் எனக்கு, அவர்களுடன்  நன்றாகவே பழகியிருக்கும் எனக்கு — வேறொரு பிரச்சினையும் இல்லை; எனக்கும் அவருக்கும் ஒரு வாய்க்காத் தகறாறும் இல்லை. எனக்கு இம்மாதிரி விஷயங்கள் நன்றாகவே பழக்கம் – ஒருமாதிரி தொழில்முறைப் பிரச்சினையாக  (occupational hazard) இவற்றைத் தள்ளி அகற்றித் தொடர்ந்து மேலேபோய்க்கொண்டே இருக்கப் பயின்று கொண்டுவிட்டேன்.

ஆனாலும் – அவர் பொதுவாகப் பண்பும் படிப்பறிவும் மிக்கவொரு இளைஞர், ஆனால் சமயத்தில் உணர்ச்சிவசப் படக்கூடியவர் எனத் தெரிகிறது, ஆகவே அடி சறுக்கியிருக்கலாம் எனச் சொல்லிக்கொண்டு…

…அவர் தொடர்ந்து தரவுகள் பூர்வமாக தர்க்கரீதியாகக் கருத்துகளைப் பரிமாறவேண்டும் எனவொரு கோரிக்கையை முன்வைத்து, அவர் பரப்புரை செய்த அபத்தக் களஞ்சியம் பக்கம் போகிறேன்.

2

அதற்குமுன்: நம் சகதமிழ அரைகுறைகளுடைய தமிழ் சினிமா என்றாலே மகத்தான அரைகுறைகளால், அரைகுறைகளுக்காக மட்டுமேதான் அது உருவாக்கப்படுகிறது என்ற ஒரு மாபெரும் உண்மைக்கு, இந்த தண்டக் கருமாந்திர திரைப்பட இயக்குநர் எனத் தன்னைக் குறிப்பிட்டுக் கொள்ளும் ‘கேஸ்ட்ரொ ஃபிஷர்’  (= ஜாதிவரிசை மீனர், ©எஸ்.ராமகிருஷ்ணன், 2021) அவர்களின் ஒரு பானை அழுகிப்போய்ப் புழு நெளியும் சோற்றுக்கு இந்த ஒரு சோறு பதம் எனவும் நாம் அனைவரும்காணவேண்டும் எனும் என் விருப்பத்தையும் தெரிவித்துக்கொள்கிறேன்.

ஆர்எஸ்பிரபு  அவர்கள் பகிர்ந்திருக்கும் ஜாதிவரிசையின் சிலாகிப்புப் பதிவு முழுவதும் இங்கே பிடிஎஃப் கோப்பாக: ‘Castro Fischer’ & RS Prabhu – spreading rumours and disinformation – Muhammad of Ghaznavi, Somnath temple, Babur’s will etc; அதன், மூல ஃபேஸ்புக் பதிவுச் சுட்டி: https://www.facebook.com/story.php?story_fbid=10158278352863773&id=595298772

மேற்கண்ட மூலப் பதிவை நீங்கள் படித்தால் (அந்தத் துர்பாக்கியம் இதுவரை உங்களுக்கு ஏற்படவில்லையானாலும் ஏற்பட்டிருந்தாலும்) படியுங்கள் – இல்லாவிட்டால் உங்களுக்கு இந்தப் பதிவு புரியாது; நான், என் பங்குக்கு – அதனையும் அதன் கீழிருந்த நீண்ட உரையாடல்-நரையாடல்களையும் அதிலிருந்த தேவையேயற்ற காழ்ப்பையும் படித்தேன் – சக்தியிருந்தால், நீங்களும் படிக்கலாம்.

ஜாதிவரிசையால் இந்தப் பதிவு இடப்பட்ட நாள்: 27 ஜனவரி, 2021 – இதில் குறிப்பிடப்பட்டுள்ள இரண்டு ஃபேஸ்புக் கணக்குகள் ‘கேஸ்ட்ரொ ஃபிஷர்‘   + ‘சூர்யா ஸேவியர்.’

ஆனால், ‘மகிழ்மதி’ எனும் தமிழ்த் தளத்தில் ஜூன் 25, 2018 அன்றே இதே (அச்சுஅசலாக இதே வார்த்தைகளும் கோர்ப்பும் உள்ளடக்கமும் கருத்து+தமிழ்த் தவறுகளும்  கொண்ட) பதிவு இருக்கிறது: இந்து சமய சீர்திருத்தவாதிகள் போராடினார்களே ஏன், எதற்கு? (இந்த மகிழ்மதி ஆசாமி பலப்பல தளங்கள், ஒரு ஆன்மிக(!) விஷயம் உட்பட நடத்திவருகிறார்; அதன் ப்ரொஃபைலைப் பார்க்கவும்)

இதே உள்ளடக்கம், ‘செழியன்’ என்பவரால் நடத்தப்படும் ‘செழியனின் மந்திரச் சிந்தனைகள்’ எனும் இன்னொரு வலைத்தளத்தில் இன்னொரு தலைப்பில் 28 ஜூன் 28, 2018 அன்று காப்பி/பதிக்கப்பட்டு இருக்கிறது: வரலாறு முக்கியம் மன்னரே!

இதே விஷயங்களை, நான் 1995-6 வாக்கில் எதிர்த்து, தரவுகளைக் காட்டித் தமிழிலும் ஆங்கிலத்திலும் யூஸ்நெட் சமாச்சாரங்களில் விவாதித்திருக்கிறேன். இதே சொற்றொடர்களைப் பார்த்ததாகக் கூட நினைவு; வெறும் நினைவு மட்டுமே தரவாகிவிடாது என்பதால்  அவற்றைச் சுட்டவில்லை.

எப்படியும், ஆர்எஸ்பிரபு பரப்புரை செய்த கட்டுரை, ஒரு அயோக்கிய ஈயடிச்சான் காப்பி எனலாம்.

ஒரு பேச்சுக்கு மகிழ்மதி தளம் தான் முதலில் அக்கட்டுரையை எழுதிப் பதிப்பித்தது என்றாலும் கூட – இந்த கேஸ்ட்ரொவோ அல்லது சூர்யாவோ அதே மகிழ்மதியாகவோ அல்லது செழியனாகவோ இல்லாத பட்சத்தில் – அவர்கள் செய்தது திருட்டுத்தனம். ஆர்எஸ்பிரபு செய்திருப்பது கொள்ளைக்கு உதவிசெய்திருப்பதுதான்.

இன்னொரு விஷயம்: அந்த மகிழ்மதி கட்டுரையின் கடைசியில் இருந்த இரு வரிகளை நீக்கிப் பதிவிட்டிருக்கிறார்கள் – இதுவும் ஒரு அயோக்கியத்தனம்.

“மக்கள் ஒற்றுமை காப்போம். மத நல்லிணக்கம் பேணுவோம். மதங்களைத் தாண்டி மனித நேயம் பேணுவோம்.”

ஆனால் இந்தத் திருட்டோ (அல்லது திருட்டில்லாமையோ – அதாவது, ஒரே ஆள் ஐந்தாறுபேர்களில் உலாவுவதோ, ஆகவே தன்னுடைய ஒரு பழைய பதிவையே ஒரு மறுபதிப்பாக இன்னொரு பெயரில் உலாவவிடுவதோ மகிழ்மதி = செழியன் = சூர்யா ஸேவியர் = கேஸ்ட்ரொ ஃபிஷ்ஷர்) ஒரு பெரிய பிரச்சினையில்லை.

மாறாக, பெரிய பிரச்சினைகள் – அந்த உள்ளடக்கத்திலுள்ள பொய்களும் உளறல்களும்தான்.

கஜினி வரலாற்றிலிருந்து ஆரம்பித்து, தரவுகள் உண்மைகள் எனக் கவலையே படாமல் தொடர்ந்து அட்ச்சிவுட்டிருக்கிறார்கள்.. அதையும் இந்த ஆர்எஸ் பிரபு இளைஞர் புளகாங்கிதத்துடன் பகிர்ந்துகொண்டிருக்கிறார், சோகம்தான், என்ன சொல்ல…

எது எப்படியோ, இனி – அப்பதிவின் அனைத்துப் பினாத்தல்களையும் எடுத்துக்கொள்ளாமல், அதிலுள்ள சில உளறல்களை மட்டும் எடுத்துக்காட்டாகக் காண்பித்து, அலசி –  முடிக்கிறேன்.

3

இந்த ஆர்ய ஸமாஜ், ஸ்வாமி தயானந்த ஸரஸ்வதி பற்றியெல்லாம் அண்மைய பதிவில் நான் எழுதியிருக்கிறேன்: ‘சீக்கியர்கள், ஹிந்துக்களின் போர்வாள்’ இன்னபிற நகைச்சுவைகள், கோபதாபங்கள் + ஆர்யஸமாஜ், இஸ்லாம், மதமாற்றிகள், பரப்புரை இன்னபிற 29/01/2021; அதைப் படித்தால் கொஞ்சமேனும் பின்புலம் கிடைக்கலாம்.

இப்போது நான்கு விஷயங்கள்:

3.1 ஆர்ய ஸமாஜ் – வேதங்களை மட்டும்தான் ப்ரமாணமாகக் கொள்கிறது; அதற்கு இதிஹாஸங்களும், புராணங்களும் பிற மரபுகளும் துச்சம். உருவ வழிபாட்டை (கடவுள் மூர்த்தி/விக்ரஹங்களை) முற்றிலும் நிராகரிக்கிறது. அதனை (இஸ்லாம் க்றிஸ்தவம் சார்ந்த வெறி போலவே) துப்புரவாகவே ஒழிக்கவேண்டும் என்கிறது.

3.2 ஸ்வாமி தயானந்த ஸரஸ்வதி அவர்கள் எழுதிய ‘ஸத்யார்த் ப்ரகாஷ்’ புத்தகம் பலப்பல ஹிந்து சம்பிரதாயங்களை நிராகரிக்கிறது; எள்ளி நகையாடுகிறது; குறிப்பாக ப்ராஹ்மணர்களை ஏகத்துக்கும் கிண்டல் செய்கிறது – இதனால் நிறைய மானேதேனேக்கள் சேர்க்கப் பட்டிருக்கின்றன –  அவற்றில் சில தான் இந்த ஸோமநாதபுரக் கதையாடல்கள்… (இதனை நான் முழுவதும் ஆங்கிலத்தில் படித்திருக்கிறேன்; சில பகுதிகளைச் சரியாக மொழிபெயர்த்திருக்கிறார்களா எனச் சரிபார்ப்பதற்கு ஹிந்தி மூலத்தையும் புரட்டியிருக்கிறேன்)

3.3 ஆர்யஸமாஜிகள் 1921 ஸென்ஸஸ்/மக்கட்தொகைக் கணக்கெடுப்பில்கூட, தங்களை ‘ஹிந்து அற்றவர்களாகவே’ வெளிப்படுத்திக்கொண்டார்கள்; ‘ஹிந்து’ என்கிற வார்த்தையே அவர்களுக்கு ஒவ்வாத அளவுக்கு முந்தைய 19ஆம் நூற்றாண்டில் இருந்தது.

3.4 ‘ஸத்யார்த் ப்ரகாஷ்’ – க்றிஸ்தவத்தையும் இஸ்லாமையும் சீக்கியத்தையும் படுமோசமாக விளாசுகிறது. இந்த பிந்தைய விமர்சனங்களானவை – சுவையாகவும் கொஞ்சம் ரசக்குறைவாகவுமேகூட – ஆனால் கறார் தரவுகளின் பாற்பட்டு மட்டுமே  செய்யப்பட்டிருக்கின்றன. அடாவடியாக அட்ச்சிவுடப் படவில்லை, வெறும் வெறுப்பினால் மட்டுமே கட்டமைக்கப் படவில்லை. பெரும்பாலும் – வாதங்களைக் கோர்த்து, அறிவியல்ரீதியாக ஆனால் சகஜமான மொழிநடையில் எழுதப் பட்டிருக்கின்றன.

இதைப் படித்த க்றிஸ்தவர்கள்  (+சில இஸ்லாமிய-சீக்கிய அமைப்புகள்), பரப்புரைகளால் துணுக்கும் வெறுப்புமுற்று, ஆனால் ஆர்ய ஸமாஜத்தை நேரிடையாகச் சித்தாந்தரீதியாக எதிர்கொள்ள முடியாததினால் ஊதிவிட்ட விஷயம்தான் பிற்காலத்தில் ‘காலிஸ்தான்’ விவகாரமாக முற்றியிருக்கிறது. (என் முந்தைய பதிவைப் படிக்கவும்)

ஆக, தயானந்த் அவர்களை ‘ஹிந்துக்களின் புகழ்பெற்ற தலைவராக’ வர்ணிப்பது சரியல்ல, அது வெறும் நகைச்சுவை மட்டுமே. ஆனால் அவர் ராஜாராம் மோஹன் ராய் அவர்கள் அளவுக்குக் கீழாக இல்லாமலிருப்பதைக் கருத்தில் கொண்டு, அவருடைய விமர்சனங்களைப் படித்து, ஏற்கவேண்டியவைகளை ஏற்று நிராகரிக்கவேண்டியவைகளை நிராகரிக்க வேண்டியதுதான்.

ஆனால் அறிவோ பகுத்தறிவோ  – ஏன் அடிப்படைப் படிப்போ குறைந்த பட்ச அறமோ அற்ற கழிசடைக் கழுதைகள் அவரை ‘மேற்கோள்’ அதுவும் பொய்பொய்யாக ஜோடித்துக் காட்டும்போதுதான் பிரச்சினை.

4

இந்த கேஸ்ட்ரொ ஜாதிவரிசை எழுதியிருப்பது (ஒரு விவாதத்துக்கு அவர்தான் ‘எழுதினார்’ என வைத்துக்கொள்வோம்) அண்டப்புளுகு – ஏனெனில் ஸ்வாமி தயானந்த ஸரஸ்வதி அவர்கள் ஸோம நாதர் கோவில் குறித்து எழுதிய (மானே தேனே கலந்துதான் இதுவும் – இவற்றுக்கு வரலாற்றுக் குறிப்புகளில் இடமில்லை) குறிப்புகளில் இந்த கேஸ்ட் ரொ எழுதியிருப்பதுபோலவே இல்லை. கீழே ஆங்கில வடிவத்திலிருந்து இதற்கான தரவுகளைக் கொடுக்கிறேன். இந்த ஜாதிவரிசை தண்டம் எவ்வளவு பொய்கலந்து, துளிக்கூடக் கூச்சமேயில்லாமல் எழுதியிருக்கிறது பாருங்கள்…

இந்த ஜாதிவரிசை கேஸ்ட்ரொ திரைப்படக்கோமாளி ஜந்துவானது, தயானந்த ஸரஸ்வதி சொல்லியிருப்பதாகப் பீலா விட்டிருப்பதில் ஒரு 5% கூட ‘ஸத்யார்த் ப்ரகாஷ்’ ஆக்கத்தில் இல்லை – வெட்கங்கெட்ட, மானமற்ற விஷயங்களைத் திரிக்கும் பேடிகள்…

(இதைப் படிக்கும் நீங்களே, விஷயங்களைச் சரிபார்த்துக்கொள்ளவும்; அனைத்துப் பின்புலங்களையும் கொடுத்திருக்கிறேன்)

இப்போது அதே தண்டம், தானே புரளியாக எழுதித் தானே தொகுத்துக்கொண்ட புள்ளிகளை ஒன்றொன்றாகப் பார்க்கலாம்…

1.ஆறு அரசர்களிடமும் இருந்து பார்ப்பனர்கள் கோவிலைக் கைப்பற்ற சதி செய்துள்ளனர்.

இல்லை, இப்படி ‘ஸத்ய ப்ரகாஷ்’ குறிப்பிடவே இல்லை. வரலாற்றுச் சான்றுகளும் இல்லை. இது புரளி.

2.கஜினியை உள்ளே கொண்டுவந்து அரசர்களை விரட்டிவிட்டு, கஜினிக்கு தொகை கொடுத்து ஒதுக்கிவிடலாம் என்ற அவாள் பருப்பு அங்கு வேகவில்லை.

நடக்கவே இல்லை; சமகாலச் சான்றுகளை வைத்து  மொஹெம்மத் காஸிம் ஃபிரிஷ்டா எனும் வரலாற்றாளர் பிற்காலத்தில் எழுதிய மதிப்புக்குரிய நூலிலும் இது குறித்து இல்லை; மாறாக போர் பற்றியும் பலப்பலர் கொலை செய்யப்பட்டு, கோவில் இடிக்கப்பட்டதையும் தான் அவை சுட்டுகின்றன.

3.கோவிலை இஸ்லாமியரான கஜினி இடிக்கவில்லை.பார்ப்பனர்களே இடித்தது தெளிவாகிறது.

!  இப்படி எழுதுவதற்குக் கூச வேண்டும். ஆனால் திரைப்படக் காரர்கள்; திராவிடர்களாகவும் இருக்கலாம். ஏகபோகக் குத்தகைதாரர்களான அவர்கள் பொய்சொல்லாமல் வேறு யார்  இப்படி ஹிமாயப் புளுகுகளை அள்ளிவிடமுடியும், சொல்லுங்கள்? (ஆனால் – சமகால ஆவண ரீதியாகவே ஆயிரக் கணக்கில் கோயில் தொடர்பான ப்ராஹ்மணர்கள் வெட்டிக் கொல்லப்பட்டனர்)

4.விஞ்ஞானம் சார்ந்த நுட்பத்தைப் பயன்படுத்தி,லிங்கம் அந்தரங்கத்தில் தொங்குவதாய் மக்களை ஏமாற்றியுள்ளனர்.

இல்லை; இது ஒரு கட்டுக்கதை; சமகால வரலாற்றுச் சான்றுகள் ஒன்றுமில்லை இதற்கு. தயானந்தர் இப்படி அடாவடியாக எழுதியதும் மானேதேனேதான்!

5.இந்துக்களை பார்ப்பனர்கள் ஏமாற்றிப் பிழைப்புநடத்துகிறார்கள் என்ற நிகழ்வு வெளிச்சத்திற்கு வருகிறது.

இந்த ஒரு கதையாடலுக்காக, ‘எத்திப் பிழைக்கும் பார்ப்பனர்கள்’ என விடப்படவேண்டிய புருடாவுக்காக கஜினி ரஜினி என ஸீன் போட்டிருக்கிறார்கள். புரிந்துகொள்கிறேன்.

மேலும் நீங்கள் நிரப்பிக்கொள்ளலாம்.

ஸரீங்க! வொங்க கற்பனெ வளம் மாரீ எங்க்ளுக்கு சொரக்காதுங்க… நீங்களே தொடர்ந்து டகீல் விடுங்க!

இப்போது, மேற்குறிப்பிட்ட ஃபிரிஷ்டா பாரசீக மொழியில் எழுதிப் பின்னர் 1829ல் ஜான் ப்ரிக்ஸ் அவர்களால் மொழிபெயர்ப்பு செய்யப்பட்ட ‘History Of The Rise Of The Mahomedan Power In India‘ எனும் நாற்புத்தகத் தொகுப்பிலிருந்து சில ஸ்னிப்பெட்டுகள்/திரைச்சொட்டுகள்…

…போர் நெடு நேரத்துக்கு ஆக்ரோஷமாக நடந்தது – வெற்றிபெறுவதும் கடினமோ எனப் பட்டது – என்றெல்லாம் போகிறது – ஆனால் இந்த தண்டக் கருமாந்திர ஜாதிவரிசைக்கு, இதுதான் ‘முத்துப் பல்லக்கில்’ அமரவைத்துச் சீவிச் சிங்காரித்து, கஜினி மெஹ்மூத்தை கோவிலை இடிக்க அழைத்து வந்ததுபோலும்…

மேற்கண்டதைத்தான் அந்த ப்ராஹ்மணர்கள் செய்தனர் – பின்னர் அவர்கள் தலையும் கொய்யப் பட்டது. நிலைமை இப்படி இருக்க, அவர்களும் கோவில் கொள்ளைக்கும் இடிமானத்துக்கும் உடந்தை என்பது… கடைந்தெடுத்த அயோக்கியத்தனம் என்பதைத் தவிற வேறொன்றுமில்லை.

ஒருசில எடுத்துக்காட்டுகளாக மட்டுமே மேற்கண்டவை – பல சமகாலப் பதிவேடுகளில் / புத்தகங்களில் இதற்கான தரவுகள் இருக்கின்றன;  ஸோமநாதர் ஆலயத்தைக் காக்க முயற்சித்து (அதற்காகப் படுகொலை செய்யப்பட்ட ஆயிரக்கணக்கான ப்ராஹ்மணர்கள் உட்பட) இருக்கின்றன. ஆனால் அவை அவசியம் ஏற்பட்டால் இன்னொரு சமயம்…

இந்த ஜாதிவரிசை சூர்யா போன்ற வெட்கங்கெட்ட வெறுப்பிய புளுகுணி மாங்கொட்டைகளை ஊக்குவிக்கவேண்டிய அவசியமே இல்லையே இந்த ஆர்எஸ்பிரபுவுக்கு?  அவருடைய கால்தூசு தரத்துக்குக் கூட முன்னவர்களோ அவர்கள் உமிழ்ந்திருப்பதோ இல்லையே! பின் ஏன் இப்படிச் செய்தார் அவர்??

பிரச்சினை என்னவென்றால், சரியோ தவறோ ரொமிளா தாப்பரிலிருந்து பலபபலர் இந்த ஸோமநாதர் கோவிலைக் குறித்து நிறைய எழுதிக் குவித்திருக்கிறார்கள். பண்டைய காலத்தில், அபப்பிரம்ஷ, ஸம்ஸ்க்ருத பாரசீக அரேபிய மொழிகளில் எக்கச் சக்கமாக எழுதிக் குவிக்கப் பட்டிருக்கின்றன.

…இருந்தாலும் இப்படி வாய்கூசாமல் பொய் சொல்வதற்கு ஒரு தனி தைரியம் வேண்டும். அது இந்த ஜாதிவரிசை போன்றவர்களுக்கு ஏகத்துக்கும் இருக்கிறது. அதோடு இந்த ஆலயக்கொள்ளை + பார்ப்பனசூழ்ச்சி போன்ற உளறல்களை விடுகிறேன்.

5

அதே புளுகுணிப் பதிவில் ஜாதிவரிசை கேஸ்ட்ரொ  ஜந்துவானது, மேலும் பாபர் குறித்து உண்மை(!) விளம்புகிறது(!!):

“இருப்பினும் இஸ்லாமிய மன்னர்கள் இந்துக்களின் பால் எத்தகைய அணுகுமுறை கொண்டிருந்தார்கள் என்பதற்கு பாபர் தன் மகன் ஹுமாயூனுக்கு 11.1.1529 ல் எழுதிவைத்த உயில் மூலம் அறிவோம். இந்துக்கள் குறித்த அணுகுமுறை எப்படி இருக்கவேண்டும் என பாபர் தனது மகன் ஹிமாயூனுக்கு 11–1–1529 ல் எழுதிவைத்த உயில் இதுதான்.

சரி. பாபர் அப்படி ஒரு உயிலை எழுதவேயில்லை. அது, மிகப் பிற்காலத்தில் செய்யப்பட்ட ஒரு ஃபோர்ஜரி மோசடி. அவ்வளவுதான். பாபரின் உயில் ‘வஸியத் நாமா’ என்பது ஷாஜஹான் (இவர் பாபரின் கொள்ளுஎள்ளுப்பேரன்) ஆட்சி சமயத்தில் ‘உருவாக்கப் பட்டது.’ அதாவது யுனெஸ்கொ விருது  ஈவெரா-வுக்குக் கிடைத்ததுபோல ஒரு மோசடி விஷயம்தான்.

வரலாற்றாளர்கள் இதனைக் குறித்துச் சிரித்துக்கொண்டே அகன்றுவிடுவர். அவ்வளவுதான். இந்தியா-டுடே பத்திரிகையில் இந்த மோசடி குறித்து வந்த ஒரு சிறுகுறிப்பு.

இந்த மோசடி/ஃபோர்ஜரி குறித்த மேலதிகச் செய்திகள் கீழிருக்கும் ஸ்னிப்பெட்டில்…

Indian Epic Values: Rāmāyaṇa and Its Impact : Proceedings of the 8th International Rāmāyaṇa Conference, Leuven, 6-8 July 1991 (பக்கம் 30) – எனும் புத்தகத்தில் இருந்து எடுக்கப் பட்டது.

மேலும் பாபரே எழுதிய சுயசரிதையான பாபர்-நாமாவில் ஹிந்துக்கள் குறித்துப் பரிவாக ஒருவார்த்தை இல்லை; அவர்கள் குறிப்பிடப் பட்டபோதெல்லாம், கீழ்த்தரமாக மட்டுமேதான் வார்த்தைப் பிரயோகங்கள் இருக்கின்றன.

பாபர் சரிதையான துஸூக்-ஈ-பாபரி புத்தகத்திலும் அப்படித்தான்.

இந்த தண்டக் கருமாந்திரங்களுக்கு, அப்படிப் பொய்பொய்யாக உருகவேண்டிய அவசியம்தானென்ன? சும்மா ஹிந்து தர்மத்தை வெறுத்துக்கொண்டு காலட்சேபமும் முட்டிமைதுனமும் செய்துகொண்டிருந்தால் போதாதா என்ன?

ஏன் இப்படி மாட்டிக்கொண்டு முழிக்கவேண்டும்?

முழுப்பதிவில் இவ்வளவு நிறைய பூசணிக்காய்ப் பொய்களையா அடக்குவார்கள், இந்த அரைகுறைகள்? இதற்கெல்லாம் சிலாகிப்பும் பகிர்வும்தான் கேடு!

6

இஸ்லாமியத் தாக்குதல்கள், அன்பே உருவானதுபோலவும், அவர்கள் கோவில் இடிப்புகள் திருப்பணிகள் போலவும் ஒரு காட்சி விரிக்கப் படுகிறது.

ஆனால் உண்மை என்ன?

எடுத்துக்காட்டாக,  ஜாதிவரிசையெனும் தமிழ்த் திரைப்பட இயக்குநக் கோமாளியால் அடித்துவிடப்பட்டிருக்கும் பெயர்பெற்ற, குஜராத்தின் ஸோமநாத் கோவிலையே எடுத்துக்கொள்வோம். அது ஒருமுறையல்ல, பலப்பலமுறை இடித்துச் சூறையாடப் பட்டிருக்கிறது.

ஒவ்வொன்றையும் செய்தது, மதவெறியிலும், கொள்ளையிலும் கற்பழிப்பிலும் புகழ்பெற்ற இஸ்லாமியர்களே! அவர்கள் கடவுளான அல்லாஹ் பெயரில்தான் அவருடைய தூதரான மொஹம்மத் செயல்பாடுகளைக் காப்பியடித்துத்தான் அதனைச் செய்திருக்கிறார்கள்; மாறாக, ஒவ்வொருமுறையும் கோவில் மறுபடியும் ஹிந்துக்களால் கட்டப்பட்டிருக்கிறது…

எனக்குத் தெரிந்தவரை கீழே, அதன் இடிப்புகள்+புனருத்தாரணங்கள் குறித்த செய்திகளைக் கொடுக்கிறேன். (இவைகளுக்குக் காத்திரமான, திடமான தரவுகள் இருக்கின்றன; ஏனெனில், நான் திராவிடனோ அல்லது இடதுசாரி லிபரலோ அல்லன்)

1025-6: மொஹம்மது கஸ்னி – கீழே அதுகுறித்த ரொமிலா தாபர் (இவர் எனக்கு ஒத்துவர மாட்டார்) செய்திகள் – ஆனால் இவருடைய குறிப்புகள் அரைகுறை லிபரல்களுக்கு ஒத்துவரும். ஆகவே.

கொள்ளைகளையும் கொலைகளையும் செய்துவிட்டு, ஹிந்து அரசரான பரமதேவ் அவர்களின் தாக்குதலுக்கு பயந்துதான் கஜினி மொஹம்மத் அவசரமாகத் திரும்பிச்சென்றான் என்பதைப் பல சமகால வரலாறுகள் மட்டுமல்ல, லிபரல்களின் செல்லமான ரொமிளா தாபர் அவர்களே வேறு வழியில்லாமல் ஒப்புக்கொள்ளவேண்டி வந்திருக்கிறது.

1169: சாளுக்கிய மன்னன் குமாரபாலனால், கோவில், பெரும்பொருட்செலவிலும் உழைப்பினாலும் புனருத்தாரணம் செய்யப்பட்டது.

1297: ஆலஃப் கான், தில்லி கில்ஜிக்களின் தளபதியால் இடித்துத் திருடப் பட்டது.

1299: உலூக் கான். தில்லி கில்ஜிக்களின் தளபதியால் இடித்துத் திருடப்பட்டது. (இதே வெறியன் தமிழகத்தையும் சூறையாடினான்)

1308: குஜராத் சுடாசம வம்சத்தைச் சார்ந்த முதலாம் மஹிபாலனால் மறுபடியும் கோவில் புனருத்தாரணம் செய்யப் பட்டது.

1394-5: முஸஃபர்கான் எனும் தில்லி ஸுல்தான்களுடைய குஜராத்தின் கவர்னரால்/ஆளுநரால் மறுபடியும் இடித்துத் திருடப்பட்டது – இவன் பிற்காலத்தில் குஜராத் ஸுல்தானேட்டுக்கு அடிகோலினான்)

1413: (இச்சமயமும், அக்கோவில் முஸ்லீம்களால் இடிக்கப்பட்டது – ஆனால், என் சேதமடைந்த பென்ஸில் குறிப்புகளை நானே படிக்கமுடியாத துர்பாக்கியம் – இனிவரும் காலங்களில் / அடுத்த ஒரு மாதத்தில் இந்த விவரங்களை வேறேங்காவது பெற்று, சரிபார்த்துவிட்டுப் பதிக்கிறேன்)

1451: மெஹ்மூத் பேகடா எனும் குஜராத் ஸுல்தானால் – சேதப் படுத்தப் பட்டது

1459: (இச்சமயமும், அக்கோவில் முஸ்லீம்களால் இடிக்கப்பட்டது – ஆனால், என் சேதமடைந்த பென்ஸில் குறிப்புகளை நானே படிக்கமுடியாத துர்பாக்கியம் – அடுத்த ஒரு மாதத்தில் / இனிவரும் காலங்களில் இந்த விவரங்களை வேறேங்காவது பெற்று, சரிபார்த்துவிட்டுப் பதிக்கிறேன்)

1546: ஜெஸூய்ட்களால் உந்தப்பட்ட போர்த்துகீசியர்களால்,  க்றிஸ்தவ இடிப்புப் பாரம்பரியங்களின் படி கோவில் சிதைக்கப் பட்டுத் திருடவும் பட்டது.

1669: முகலாய மன்னனாகிய ஔரங்க்ஸெப்பால் இடிக்கப்பட்டது. (இதில் கொஞ்சம் சந்தேகம் இருக்கிறது – சர்வ நிச்சயமாக அரசாங்க ஆணை (ஃபர்மன்) இது குறித்து ஔரங்ஸெப்பினால் வெளியிடப் பட்டிருக்கிறது)

1707: குஜராத் பகுதியும் முகலாயர்களிடமிருந்து மீட்கப்பட்டு மராத்தியர் வசம் கோவில் வந்தது; ஆகவே பின்னர் இடிக்கப் படவேயில்லை. ஆச்சரியம், ஆச்சரியம்!

1783: மராத்தியத்தின் ராணி மஹாமஹோ அஹில்யாபாய் அவர்கள் இடிக்கப்பட்ட சிதிலங்களை அப்படியே விட்டுவிட்டு, அதற்குப் பக்கத்திலேயே சோம நாதருக்கு ஒரு கோவில் கட்டினார்.

1812: ஜுனகாத் நவாப்புடன் போடப்பட்ட ஒரு ஒப்பந்தத்தின்படி, மராத்திய-க்வாலியர் அரசாங்கத்திடம் ஸோம நாத் கோவிலின் மேலாண்மை வந்துசேர்ந்தது…

பின்னர் நம் முதல் சுதந்திரப் போர் இத்தியாதிகள் நடந்தன. ப்ரிட்டிஷ்/கம்பெனி ஆட்சி. அப்போதெல்லாம் இப்பழங்கோவிலின் நிலை கீழே.

பின்னர் கன்னையாலால் மனெக்லால் முன்ஷி, வல்லப்பாய் படேல் போன்றவர்களின் முயற்சியால் 1950களில் கோவில் புனருத்தாரணம் செய்யப் பட்டது.

ஹர் ஹர் மஹாதேவ்!

ஜெய் போலோ ஸோம்நாத் நி!!

-0-0-0-0-0-

இந்த  “யார் கஜினி முகம்மது?” சுட்டியை ஒரு நண்பர் அனுப்பினார், இதற்கான எதிர்வினையைக் கோரினாரா என நினைவில்லை – ஆனால், நான் கொஞ்சம் யோசித்தேன், ஏனெனில் காலம் பொன்னானது. நம் வாழ்நாளை எங்கெங்கு உருப்படியாகச் செலவழிக்கவேண்டுமோ அங்கங்கு மட்டுமே தான் சக்தியைக் குவிக்கவேண்டும். இன்னொரு நண்பர் ஒருவர் சொன்னார், “இதையெல்லாம் லூஸ்ல வுடுங்க. என்னத்துக்குங்க மன அழுத்தம்? எல்லாம் ‘அவன்’ பாத்துப்பான்!’

இன்னொருவர், இம்மாதிரி விஷயங்களால் சலித்துப்போயிருப்பவர்  “இந்த மாதிரித் தெருப் பொறுக்கிகளை விமர்சனம் செய்து அவர்களுக்குப் புகழ் பெற்றுத் தராதீர்கள்.”

இன்னொருவர் தொழில் நுட்பப்பிரியர், “இவர்களது உளறல்களை எதிர்கொள்ள மென்பொருள்-பாட்களை உருவாக்கிப் பதில் உளறல்களால் அவர்களை மூழ்கடித்து அவர்களைத் திக்குமுக்காடச் செய்யவேண்டும், தரவு ரீதியான விமர்சனம் அவர்களுக்கு ஒத்துவராது, அவர்களுடன் அவர்கள் மொழியில்தான் பேசவேண்டும்!” என்பதுபோல…

ஆனால்…

யோசித்தால், இது  வெறும் ஒரு ஆர்எஸ்பிரபு/ஜாதிவரிசை-கேஸ்ட்ரொ அல்லது வெறும் என்னைக் குறித்த அக்கப்போரல்ல. இது ஒரு கலாச்சார யுத்தம். தொடர்ந்து கலந்துகட்டி எழுப்பப்படும் பொய்மைகளுக்கும் புனைசுருட்டுகளுக்கும் அயோக்கியத் தனங்களுக்கும் – காத்திரமான பதில்களாக, நாம் தரவுகள் ரீதியாகவும் எதிர்கொள்ளவேண்டும்; வெறும் அறச்சீற்றமும் பேடித்தனமான அமைதிகாத்தலும் ஒத்துவரமாட்டா.

மேலும், நான் இதேவிஷயம் தொடர்பான பொய்களைக் கடந்த சுமார் 30 வருடங்களாகவாவது, அவ்வப்போது எதிர்கொண்டு சலித்துப்போயிருக்கிறேன். ஆனாலும் முட்டாள்தனம் என்பது ஒரு தமிழ தொடர்கதை என்பதால் – மறுபடியும் இன்னொருவர் இதே பொய்யை மறுபடியும் வாந்தி எடுத்துக்கொண்டே வருவார், எதிர்காலத்திலும் அப்படித்தான் இருக்கும். அப்போது நானில்லாவிட்டாலும் இந்தத் தரவுகளாவது இருக்கவேண்டும். பொய்கள் தொடர்ந்து தோலுரிக்கப் படவேண்டும். ஆர்வமுடைய, எதிர்கால தர்மிஷ்டனுக்கு இந்த உதவியையாவது நாம் செய்யவேண்டும்.

என்னைப் பொறுத்தவரை, இந்த தர்மயுத்தத்தில் சாமதானபேத தண்டம் வரை சென்றாலும் ஏன் அதற்கு மேற்பட்டாலும் சரியே. ஆனால் இப்போதைக்குச் சாவதானமான சாமவழிதான்.

ஏனெனில் எதிரில் இருப்பவர்களுக்கு அடிப்படை உழைப்போ, அறிவோ இல்லை – பாவம் அவர்கள் கருத்துலகச் சோம்பேறிகள், வெறுப்பை மட்டுமே அறிந்தவர்கள், என்ன செய்ய…. (ஏதாவது மண்டையில் மஸாலா இருந்திருந்தால், இப்படி ஒர்ரேயடியாக அநியாயத்துக்கு உளறிக்கொட்டுவார்களா, சொல்லுங்கள்?)

அவ்வளவுதான்.

நன்றி.

பின்கோரிக்கை:

இளம் அன்பர் ஆர்எஸ்பிரபு அவர்களின் சன்னிதானத்துக்கு அடியேனின் விண்ணப்பம்: தயை செய்து, இனிமேலாவது அட்ச்சிவுடுபவர்களின் வாலைப் பிடித்துக்கொண்டு, மேலதிகமாக அட்ச்சிவுட்டுக்கொண்டு பயணம் செய்யாமல், அவர்களுடைய அதிசராசரித்தனத்தை ஆமோதிக்காமல் – உங்கள் அடிப்படை அறிவுடனும், அபத்தமற்ற தர்க்கரீதியான வாதங்களுடனும், அங்கத உணர்ச்சியுடனும் ஜொலிக்கலாமே? வெறுப்பியமும் சரிதான் – ஆனால் அது வெறும் உணர்ச்சிபூர்வமாக இல்லாமல் தரவுகள் பூர்வமாக இருந்தால் நன்றாக இருக்குமே! உங்களுடைய வேளாண்மை சார் விஷயங்களுக்கு அறிவுபூர்வமாகச் செயல்படுவதைப் போலவே பிற துறைகளிலும் செய்யலாமே?  நமக்கு ஒரு ஜெயமோகன் போதமாட்டாரா என்ன?

(மற்றபடி உங்கள் விருப்பம், உங்கள் கருத்துரிமை இன்னபிற…)

10 Responses to “‘கஜினி’ மொஹம்மத், குஜராத்தின் ஸோமநாதர் கோவில் + ப்ராஹ்மணர்கள், ஆர்ய ஸமாஜ், பாபர் உயில், தமிழ்ப்பிலிம் செம்பிலிம், வரலாற்று உளறாறுகள், ஆர்எஸ் பிரபு – குறிப்புகள்”

  1. seethayv Says:

    I too respect R.S .Prabha for his views on farming, since I tried some stylish organic farming and came to a conclusion it is not for me .

    However I noticed him sharing this Surya XYZ posts .Felt tired of all these hocus Pocus nonsense.I don’t know Surya man but he spews venom.

    I wish I could say ‘keep it up’ in your attempts to counter these nonsensical rubbish.I am tired of the hatred .


    • +1; am sad to see an otherwise interesting youngman willingly degenerate and fall in to this bottomless abyss of dravidian mediocrity.

      But, I merely did what I meaningfully could, given my (rest of) lifetime is rather limited – but, I do not plan to engage any further; though he may benefit by some reasonable therapy. (hint)

      Unfortunately my tolerance for nonsense is not really much.

      Thanks for passing by. bfn.


  2. ராம் அந்த பதிவை ஆரம்பத்திலேயே படித்து லூஸில் விட்டேன். பிரபு போன்றவர்கள் ஷேர் செய்தது ஆச்சரியம்தான்


    • 🙏🏿ஐயா, எனக்கு வயதானாலும் விவேகமோ வடிவேலுவமோ கிட்டவில்லை, என்ன செய்ய.

      உங்களிடம் அது கொஞ்சம் தேவைக்கதிகமாக இருப்பது கண்கூடு என்பதால், கொஞ்சம் ரெண்டு கிலோ கைமாற்றாகக் கிடைக்குமா?

      🤕


      • இந்த மெச்சூரிட்டியே ஒத்திசைவில் இருந்து கிடைத்ததுதான். குருவே இப்படி கேட்டால் என்ன செய்ய

  3. dagalti Says:

    இந்த categoryயில் நேற்று ஒன்று படித்தேன். யாம் பெஒபெ சக 7.5கள்:

    திருமிகு. பக்தியார் கல்ஜி நாலந்தாவை ஒண்ணுமே செய்யவில்லை. அப்படிக்கா போகும்போது பக்கத்தில் உள்ள ஒரு சின்னஞ்சிறு விகாரத்தை லைட்டாக உரசிவிட்டார், அவ்வளவுதான்.

    நாலந்தாவை நசுக்கி நெருப்பிட்டது நாணமற்ற நாவும், நூலணிந்த நெஞ்சுமுள்ள நயவஞ்சகரே.

    என்று ஒரு கதை ஓடியது நேற்று

    இத்தேற்றத்தை முன்வைத்த DN Jha திருநாடலங்கரித்துவிட்டார். அவர் பங்களிப்பைப் போற்றும்வகையில் இந்த பகீர் ரிபோர்ட் பகிரப்பட்டது.

    The larger question of course is, how come there is such a worryingly wide readiness to receive such half-assed claims.


    • There are many reasons – but one of the main reasons is that our stupid TN was safeguarded by the terrible sacrifices of the Indics up north. Chalukyas, Vijayanagar, Hoysalas, Kakatiyas, Marathas and the like literally bled themselves to death, facing the Jihadis over many centuries. (I think we were very busy fornicating in those times)

      So, we tend to think too much of ourselves.

      Imagine. We seem to have had less than 50 years of Islamic sultanate rule at Madurai, and some 160 odd years of various womanizing Nawabs in some places; so there were not so much Islamic atrocities since they were all happening elsewhere; but even with this ‘little’ thingies, we crib a lot about srirangam, madurai, chidambaram, tiruvannamalai devastations and the like.

      I think, a few hundred years of enjoyment directly under the Mughals would have taught us good lessons.

      (there are other reasons, but discussions on them are reserved for some other time)

  4. KMuthuramakrishnan Says:

    ராம்! மிகவும் பொறுமையுடன் அனைத்து சுட்டிகளையும் படித்து முடித்து, இந்தக் கட்டுரையையும் படித்தேன்.உங்களுடைய அறிவின் தீட்சண்யத்தைக் கண்டு வியந்தாலும் இவை எந்த அளவுக்குப் பயன் படும் என்பதில் சந்தேகம் வருகிறது.வரலாற்றை முனைந்து திருத்தி, மாற்றி, புனையும் அதிமேதாவிகளுக்கு நீங்கள் எவ்வளவு சொன்னாலும் காதில் விழப்போவதில்லை.


    • ஐயா, அறிவு தீட்சண்யம் எல்லாம் பெரிதாக ஒன்றுமில்லை – ஆனால் முடிந்தவரை திட்டமிட்டுத் திட்டுவதால், நேர மேலாண்மை ஓரளவுக்கு இருக்கிறது, அவ்வளவுதான்.

      பிரச்சினையென்னவென்றால், எனக்கு இந்த இளைஞர் ஆர்எஸ்பிரபு மீது ஒரு மிருதுமூலை, ஸாஃப்ட் கார்னர்.

      யோசித்தால் இதற்கெல்லாம் அவசியமில்லை என்பதும் உண்மையே.

      மற்றபடி, ‘பிறத்தியாரைத் திருத்த முயற்சிப்பது’ என்பது வீண்வேலை என்பதை அறிவேன், என்னைத் திருத்திக்கொள்ளவே நேரமில்லைவேறு – அதிகபட்சம் ‘இப்படி இருக்கலாமே’ என ஒருகோடிவேண்டுமானால் காட்டலாம். அல்லது ஒர்ரேயடியாக மண்டையில் ஒருபோடு போடலாம். மற்றபடி அவரவர்க்கு அவரவர் பெற்றோர், வளர்ப்பு, சூழல் – இவை எல்லாவற்றையும் விட, 18-20 வயதாகிவிட்டால் முன்னவற்றுக்கு அப்பாற்பட்டு/மீறியும் வரவேண்டிய சுயசிந்தனை, முனைப்பு, சுயபச்சாதாபமின்மை, மாளாஉழைப்பு, நேர்மை, தொழில்சுத்தம், அறம்… … போன்றவற்றை அவரவர்தாம் வளர்த்திக்கொள்ளவேண்டும்.

      என்னுடைய மிருதுமூலை காரணமாக, ‘இப்படி இருக்கலாமே’ என்றுதான் எழுதியிருக்கிறேன் என நினைக்கிறேன்.

      பார்க்கலாம், இவ்வுலகம் எப்படி விரிகிறதென்று…


மேற்கண்ட பதிவு (அல்லது பின்னூட்டங்கள்) குறித்து (விருப்பமிருந்தால்) உரையாடலாமே...

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s