ஆ! ஐய்யோ! தமிழர்தலைவர் ‘விடுதலை’ வீரமணி அமெரிக்க ஸ்பெஷல் படையினரால் கைது செய்யப்பட்டார்!! :-( இதனைக் கேட்பாரில்லையா!

பகீர் செய்தி!

சென்னை, 23 ஜூலை, 2015:  முன்னதாக, தன்மானத் தலைவர் நிகரிலா திராவிடர் திலகம், இனமானச் செம்மல், கி. வீரமணி அவர்கள், சிங்கப்பூர் சென்றிருந்தபோது  சொகுசாக ஒரு சாய்வு நாற்காலியில் அமர்ந்துகொண்டு தன்னுடைய செல்லமான கற்பனைக் கோவேறுகழுதை****யின்மீது ஆரோகணித்து ‘அமெரிக்க உளவியல் சங்கம்’ பற்றிய ஒரு ஆராய்ச்சிக் குறிப்பை அவரோகணித்தார்.

மேலும் ‘திராவிட உளறியல் சங்கம்’ எனும் தன் சொந்த சங்கத்தின் சங்கதிகளையும் கலந்து கமகமா என்று பரிமாறினார். அதாவது பரி நரியாகி, நரி சொறியாகி மாறி மாறி, படு அற்புதமாகக் காட்சிதந்து பரிமாறப்படும் திராவிளையாடல் புராணக்கதைதான் இது!

இந்த சொறிமாற்றலைப் பற்றிச் சிலாகித்து வரையப்பட்ட இளவல் வெ. ராமசாமியாரின் ஆய்வுக் கட்டுரையானது ஜெயமோகன், கல்யாணராமன் போன்றவர்களால் போற்றப்பட்டதும் தமிழகம் அறிந்ததே. (ஆனாலும் இனமானமிகு ராமசாமியார், தன்னுடைய அண்மைய – எஸ்.ராமகிருஷ்ணன் குறித்த ஆழ்ந்த ஆராய்ச்சிக் கட்டுரைகளை, இந்த இருவரும் கண்டுகொள்ளாத சதியையும் கவனித்துக்கொண்டுதான் இருக்கிறார்! எச்சரிக்கை!!)

சரி. இவர்களின் போற்றுதலால் – அவர் தளத்திற்கு என்றுமில்லாத வகையில் திராவிடர்கள் படையெடுத்துக் கூடவே சொறிசிரங்குகளையும் கூட்டிவந்ததையும் – ஆகவே இந்தவிஷயம் அமெரிக்க அதிபரான ஒபாமா முன் லாடம் வரை எட்டியதும் ஆச்சரியமில்லை.

கருத்துப்படம்: ஒபாமா முன் லாடம்

ஆனால் சில குல்லுகபட்டர்களின் ஆரியச் சதியால், மானமிகு பகுத்தறிவாரின் ஆராய்ச்சி தவறாகப் புரிந்துகொள்ளப்பட்டு – கூட்டிக் கொடுக்கப்பட்டு – அவர் அமெரிக்காவின் எதிரி #1ஆகக் கருதப்பட்டுவிட்டார்! என்ன சோகம் இது!

தப்பும் தவறுமாக, இனம்புரியாமல் மானாவாரியாக உளறிக்கொட்டுவது ஒரு இனமானத் திராவிடனின் அடிப்படை வன்முறை உரிமை என்பதைப் பற்றிய புரிதல் ஒன்றுமேயில்லாமல் – எடுத்தேன் கவிழ்த்தேன் என திடுதிப்பென்று அமெரிக்கா செய்துள்ள இக்கொடுமையைப் பாரீர்!

இதற்கு அவர்கள் சொல்லியிருக்கும் காரணம்:  அமெரிக்க நிறுவனம் ஒன்றைப் பற்றி, வீரமிகு வீரமணியார், அவருடைய வழக்கமான அறியாமையின் பாற்பட்டு அவதூறு பரப்பியதுதானாம்!

இதெல்லாம் ஒரு பெரிய பிரச்சினையா? சற்றொப்ப 8 கோடி தமிழர்களே வீரமணியாரின் கொசுக்கடிகளை கடந்த 50 வருடங்களாக, பொருட்படுத்தாதபோது – அவரைப் பொறுத்துக்கொண்டிருக்கும்போது – இந்த அமெரிக்கா ஏன் இப்படி அழிச்சாட்டியம் செய்கிறது?

இது ஒரு பார்ப்பன-ஆரியச் சதி மட்டுமல்லாமல், மேலதிகமாக, ஒரு யூதச் சதியுமோ?

-0-0-0-0-0-0-

செய்திகளை உங்களுக்கு முந்தித் தரும் டிகே சகோதரர்களின் சனி குழுமச் சேன்னல்களிலிருந்து எடுத்த – இந்த கைது தொடர்பான மிகரகசியமான புகைப்படங்களும், செய்திக்குறிப்புகளும் (‘அரெஸ்ட் பண்றாங்க, அரெஸ்ட் பண்றாங்க!‘) கீழே: (இப்படங்களைப் பற்றி வேறு யாரிடமும் சொல்லவேண்டாம், சரியா? இவையெல்லாம் டாப் ஸீக்ரெட்!)

தமிழகத்தின் மூடமக்கள் தொலைக்காட்சிக்குள் தலைகளைக் கவிழ்த்துக்கொண்டு கந்தறகோள ஸீரியல்களைப் பார்த்துக்கொண்டு, எம்எஸ் விஸ்வநாதனின் இறப்பிற்கு அஞ்சலி செய்வதைப் பற்றிய வெட்டி சர்ச்சைகளில் ஆவேசமாக ஈடுபட்டு மூத்திரம் சிந்தி சிந்திக்கும்போதுதான் இந்த அலங்கோலம்…

அமெரிக்க ஸ்பெஷல் ஆபரேஷன்ஸ் கமேன்டோக்கள் பல குழுக்களாகப் பிரிந்து  பல வழிகளில் பெரியார் திடலை அடைந்து இருக்கிறார்கள்.

முதற்குழுவினர்  மெரீனா கடற்கரை வழியாக, அண்ணா சமாதிக்கும் தம்பி சமாதிக்கும் நடுசென்டரில் புகுந்து ஓடி வந்திருக்கிறார்கள்!

கொஞ்சம் ஊன்றி, இந்த வலதுபக்கபடத்தை நோக்கினால், அவர்கள் கூட்டத்துடன் கூட்டமாய் ஒளிந்துகொண்டு, இரட்டைஇலைமறைவு காய்மறைவாக முன்னேறுவது தெரியும்…

இரண்டாம் குழுவினர், கமுக்கமாக அமெரிக்க தூதரகத்தில் இருந்து கிளம்பி – எழும்பூர் சென்று வேப்பேரி திடலை அடைந்தனர். (பார்த்துக்கொண்டிருந்த பொதுமக்களும், ‘ஏதோ ஷூட்டிங் தான் நடக்குது’ என்று சலித்துக்கொண்டு இயல்பாகவே புட்டத்தைச் சொறிந்துகொண்டு நகர்ந்திருக்கின்றனர். சோகம்)

மேற்கண்ட புகைப்படம், இந்தக் குழு மேக்நிக்கல்ஸ் ரோட் சாக்கடைத் தெருக்களைத் தாண்டும்போது கமுக்கமாக, சனி சேனல்களால் எடுக்கப்பட்டது.

மூன்றாம் குழுவினர் ஹெலிகாப்டரில், நேரடியாகவே பெரியார் திடலில் இறங்கினர்! உடனே, அங்கிருந்த கழகத் தோழர்களெல்லாம், துண்டைக் காணோம், துணியைக் காணோம் என்று புறநானூற்று வீரத்துடன் ஒடிப்போய் பக்கத்திலிருக்கும் டாஸ்மேக் கடையில் நிபந்தனையற்றுச் சரணடைந்தனர்!

நான்காம் குழுவினர் பின்புலத்தில் இருந்தனர். பரங்கிமலையில் உட்கார்ந்துகொண்டு பைனாகுலரால் வேவு பார்த்துக்கொண்டிருந்தனர் – விவரங்களை சேகரித்துக்கொண்டிருந்தனர்.

பாவம், இப்படியாகத்தானே – தன்னந்தனியே விடுதலை அலுவகத்தில்,  ‘சித்தம்போக்கு வயிற்றுப்போக்கு’ என்ற பகுத்தறிவுடன்  பெரியார்புராணத்தைப் பாராயணம் செய்தபடி இருந்த வீரமணி அவர்களை, சுற்றி வளைத்தனர், பகைவர்கள்!

…அவர் எப்படித்தான் ஒரு பர்தா/புர்கா போட்டுக்கொண்டு தப்பிப்போக நினைத்தாலும், வளைத்துப் பிடித்து ஒரு கூண்டில் போட்டுக்கொண்டு சென்று விட்டனர், பாவிகள்!

ஆனால் – எவ்வளவோ மன அதிர்ச்சியுடன் இருந்தாலும், மகிழ்ச்சியோடு 48வது முறையாக – அதுவும் வெள்ளைக்காரர்களால்  கைது செய்யப் பட்டதில், வீரமணி அவர்களுக்கு மிகவும் புல்லரிப்பே!

பாருங்கள், வெற்றுப் பெருமிதத்துடன் அவர் கூண்டிலமர்ந்து சிரிப்பதை… என் கண்ணே பட்டுவிடும் போலிருக்கிறது! இதுதாண்டா திராவிட வீரம்! (ஆதாரம்)

…வீரத்துக்கு அப்பாற்பட்டு புளகாங்கிதமும்  அடைந்த அவர், தன்னைக் கைது செய்து தமிழ்த் தொண்டாற்றிய ஒவ்வொரு வீரருக்கும் தன் புத்தகம் ஒன்றைக் கையெழுத்திட்டுப் பரிசாக அளித்தார்! என்ன நல்ல உள்ளம் அவருக்கு.

ஒரே நெகிழ்வாக இருக்கிறது. நான் இன்று காலையில் எஸ்ரா தளத்திற்குச் சென்றிருக்கக் கூடாதோ? :-(

-0-0-0-0-0-0-

ஆக, அமெரிக்காவின் ‘பிறத்தியார் வீட்டில் மூக்கை நுழைக்கும்’ போக்கினால், ஒபாமாவின் அமெரிக்கப்படை வீரர்கள் இந்த கேடுகெட்ட விஷயத்தை அரங்கேற்றியிருக்கிறார்கள். இனமானத்தாரை வலுக்கட்டாயமாக, அம்மையாரின் ஆசியுடன் கைது செய்து அமெரிக்கா கொண்டு சென்றிருக்கிறார்கள். சிறையில் அடைத்து அவரிடம் இருந்து அனைத்து உண்மைகளையும் கறக்கப் போகிறார்கள்! :-(

ஹ்ஹ! ஆனால், அந்த அற்ப அமெரிக்கக் கைக்கூலிகளுக்குத் தெரியாது – வீரமணி மாதம் இருமுறை மட்டுமேதான் உண்மை பேசுவார் என்று!

ஆதாரம்: http://www.unmaionline.com/new/

அதுவும் அவர் பெயரை இருமுறை கேட்டால் கி. வீரமணி என மட்டுமே சமுதாய மாற்றத்திற்காகச் சொல்வார் என்று!

–0-0-0-0-0–

கழுகார் ஜிவ்வென்று பறந்துவந்து இஞ்சி மொரப்பா கொடு என முறைப்பாகக் கேட்டார். அவரிடம் சொன்னேன் — பப்பரப்பா பரபரப்பு எனப் பறந்துகொண்டிருப்பதற்குப் பதிலாக சுவையான செய்தி ஏதாவது சொல்லுமேன்.

அவர் சொன்னார் – இந்த ரகசிய ஆபரேஷன் நடந்துகொண்டிருக்கும்போதே பெரியார் திடல் பக்கத்து லாட்ஜ்களில் ரேஷ்மா போன்ற பெண்களிடம் பேட்டியெடுக்க, நம் யுவகிருஷ்ணா அவர்கள் சென்றிருந்திருக்கிறாராம்.  அவர் வேலையில் எவ்வளவோ கஷ்டங்கள், பாவம். ஆடும் தொப்புள் ஆட உறு தொப்புள் கிடைக்கிறவரை வாடி இருப்பான் ஊடகன் என்றார் கழுகார்.

அவர் பிதுங்கும் பாற்சுரப்பிகளிலும் ஆவல் உள்ளவராயிற்றே என்றேன் நான்! கழுகார் என்னைக் கண்டுகொள்ளாமல் ஜூட் விட்டுவிட்டுப் பறந்து ஒரு சுற்று சுற்றிவிட்டுத் திரும்பி என்முன் வந்து ஸெட்டில் ஆனார்…

ஆக, அந்தப் பகுதியில் சுற்றிக்கொண்டிருந்த யுவகிருஷ்ணா, மேலே விமானத்திலிருந்து பாராசூட்டில் பெரியார் திடலுக்குள் குதித்துக்கொண்டிருந்த அமெரிக்க கமேன்டோ(இவர் ஐந்தாம்படையினர்) ஒருவரை அண்ணாந்து பார்த்து, அவருக்கே உரித்தான அவருடைய அலாதியான தனிப்பட்ட பார்வையின்படி – குறிப்பாக, அந்த கமேன்டோவுடைய குண்டி மட்டும் அவருக்குப் பிரமாதமாகத் தெரிந்ததால், பக்கத்திருந்த தம் நண்பர் அதிஷாவிடம் விடலைத்தனமாக  பார்ரா-சூத்து என்றாராம்!

(மேலேயுள்ள பார்ரா-சூத்து படம் சனி சேன்னல் உபயம்; காப்பிச் சக்கரவர்த்தியின் மந்தஹாசப் புன்னகையிடும் படம் நண்பர் ஒருவர் அருளியது. அவருக்கு என் நன்றி)

அதிஷா கோபத்துடன் முறைத்துப் பார்ப்பதற்குள்…

…ஆனால் அந்த கமேன்டோவுக்குத் தமிழ் தெரியுமாம். அவர்களை முறைத்துப்பார்த்து துப்பாக்கியை நீட்டி ‘சுட்டு விடுவேன்’ என்றாராம்.

அதிஷா உடனே கைகொட்டிச் சிரித்தாராம்! எங்கள் யுவகிருஷ்ணாவுக்கு உங்களை விடப் பலப்பல வருடங்களாகச் சுடுவதில் தேர்ச்சி, உங்களால் ஒன்றும் செய்யமுடியாது என்றாராம்!

அவசரமாக தன் ஐபேட் கருவியில் யுவகிருஷ்ணா தளத்திற்குச் சென்று பார்த்து ஆடிப் போய்விட்டாராம் அந்த கமேன்டோ! அவ்வளவு துப்புறவான சுடுதல்கள்!

கண்ணீர் மல்க, குரல் கம்ம, மூக்குச்சளி ஒழுக – உடனடியாக சாஷ்டாங்கமாக யுவகிருஷ்ணா காலில் விழுந்து மன்னிப்புக் கேட்டாராம் அந்த கமேன்டோ!… மேலதிகமாக, அவருடைய மேலதிகாரிகளைக் கலந்து ஆலோசித்து, யுவகிருஷ்ணாவை அமெரிக்க ஸ்பெஷல் படைகளுக்கு குறிபார்த்து கமுக்கமாகச் சுடுவதில் பயிற்சி கொடுக்க – உடனடியாக அமெரிக்காவுக்கு அவரை அழைத்துக்கொண்டு போயே விட்டாராம்! மாசம் $100,000 சம்பளம், சுடச்சுட.நான் அசந்துபோய் ‘அப்புறம்?’ என்று கேட்டேன்.

அவர் கழுகுத்தனமாகச் சிரித்துகொண்டே சொன்னார் – அப்புறமென்ன விழுப்புரம். யுவகிருஷ்ணாதான் இப்போ டாப் எக்ஸ்பர்ட் சுடுவதில். சுட்டார் பெரியோர் சுடாதார் இழிகுலத்தோர் அல்லவா.

நான் டபக்கென்று ஆயிரம் லிட்டர் குடிநீரை ஒரே மொடக்கில் குடித்து மயங்கினேன்!

கழுகார் தொடர்ந்தார்: அடுத்த இயல் இசை நாடகம் போன்ற எல்லா விருதுகளும் யுவக்ருஷ்ணா அவர்களுக்கே!

நான் மயங்கிவிழுந்துகொண்டே கேட்டேன்: ஏன் கழுகாரே அப்படி?

கழுகார் ‘இல்லாவிட்டால், அவர் நிஜமாகவே சுட்டுவிடுவார், அந்தபயம்தான்!’ என்று சொல்லிவிட்டு ஜிவ்வென்று பறந்தேவிட்டார்!

-0-0-0-0-0-

எனக்கு இப்போது பயமாகவே இருக்கிறது.

ஹ்ம்ம்… நான் கிண்டிய இந்தச் செய்தியையும் படித்துவிட்டு – நாளை ‘விடுதலை’ இப்படியொரு அறிக்கையையும் வெளியிட்டால் ஆச்சரியமில்லை!

கழகத் தோழர்களே கலகக் கோளாறுகளே!
அடலேறுகளே மடஇறங்குகளே!

மறவர்களே மறக்காதவர்களே!

இனமானச் சிங்கங்களே! ஈனமௌன அசிங்கங்களே!

புரட்சிப் புயல்களே புரட்டுப் பயல்களே!

திராவிட திராபைகளே, அரையின் குறைகளே!

தமிழ் வேங்கைகளே!

ஆர்ப்பரித்தெழுவீர்!

இனமானத் தமிழர் தலைவரைக் கைது செய்திட்ட அமெரிக்காவை அழித்தொழிக்க சூளுரையிடுவீர்!

…
…
…

**பொத்**

-0-0-0-0-0-0-

**** இதுதான் அந்த – அஸ்கி  திராவிடக் கழுதை —>>>

             
          (\__ /`)
           /   '/
          0  0   \
         /        \
        /    __/   \
       /,  _/ \     \_
       `-./ )  |     ~^~^~^~^~^~^~^~\~.
           (   /                     \_}
              |               /      |
              ;     |         \      /
               \/ ,/           \    |
               / /~~|~|~~~~~~|~|\   |
              / /   | |      | | `\ \
             / /    | |      | |   \ \
            / (     | |      | |    \ \
           /,_)    /__)     /__)   /,_/
     '''''"""""'''""""""'''""""""''"""""'''''

தொடர்புள்ள பதிவுகள்:

• திராவிடனும் பிழைக்கும் இந்தப் பிழைப்பு20/07/2015
• பாவப்பட்ட நார்ஸிஸஸ்ஸை, கதறக்கதற நாறடிக்கவைப்பது எப்படி 04/07/2015
• சிரியா? நல்லா சிரிய்யா!  05/09/2013
• படைப்புத்திருடல் செய்து இணையத்தில் படையல் வைப்பது எப்படி 08/08/2013
• பர்மா, பாலிங், வௌவால், இன்டெர்னெட் 04/08/2013
• சகட்டுமேனிக்கு, எதையும் ஒப்பேற்றுவது, அதாவது ‘தேத்துவது’ எப்படி – 17/03/2013
• போங்கடா நீங்களும் ஒங்க பொறநானூறும்… 15/03/2013
• “இன்டர்நெட்டுக்கு வயது முப்பது” – 22/01/2013
• யுவகிருஷ்ணா அவர்களும், பாவப்பட்ட வௌவால்களும் – 22/10/2012
• … இன்னாங்கடா டாய்… ^% $ # @ ! & –  06/10/2012

  அலக்கியம், காப்பிக்கடை, அரைகுறைத்தனம் – இன்னபிற இழவுகள்… (31/12/2014 வரை )

திராவிட (எதிர்ப்)பக்கங்கள்… (01/07/2015 வரை!)